orshafans

Спартовыя музэі, якія ўдалося наведаць або прынамсі паглядзець пра іх падрабязнае відэа, каб асягнуць маштаб музэю. Натуральна, месцы ў сьпісе ад лепшага да горшага — суб’ектыўныя, пагатоў спэцыфіка розная. Хоць пры складаньні ня ўлічваліся сымпатыі і антыпатыі да пэўных колераў, а выключна напаўненьне музэю, падача матэрыялу, паўната ўспрыманьня гісторыі каманды/спорту. Агулам па стане на травень 2025 году: 25 музэяў, залі і выставы. Калі вы наведалі які-небудзь спартовы музэй і хочаце падзяліцца здымкамі, інфармацыяй і ўражаньнямі — ласкава запрашаем.  Лістуйце на orshafans@gmail.com . Атлетыка (Мадрыд) https://t.me/orshafans/10377 Бэнфіка (Лісабон) https://t.me/orshafans/17161 Музэй футболу на стадыёне «Сэнтэнар’ё» (Монтэвідэо) https://www.youtube.com/watch?v=2jVKHqTsUao&list=WL&index=25&t=2s Музэй спорту і алімпізму (Тарту) https://t.me/orshafans/18473 Аустрыя (Вена) https://t.me/orshafans/10045 С...

Завяршыўся сэзон 2025 году для нашай каманды. Ягоныя вынікі для нас ня добрыя — усталявана некалькі антырэкордаў клюбу. Але магло быць і горш, бо яшчэ на пачатку лістапада здавалася, што аршанцам ня ўдасца захаваць месца ў І лізе. Адылі ж „Старт“ фінішаваў на 16-м месцы сярод 18 камандаў і налета зноў выступіць у І лізе. Здараліся, як заўсёды, і добрыя паядынкі. Многія гульцы намагаліся гуляць як найлепей, нягледзячы на відавочныя і ўсім вядомыя цяжкасьці каманды, кепскія вынікі, траўмы і пашкоджаньні. Час вызначыць, хто ж, на думку аршанскіх заўзятараў, быў найлепшым гульцом блакітна-чорнага калектыву сёлета. Называем дзевяць гульцоў і пункт „іншы шпурляр“, калі можна будзе назваць прозьвішча, лістуючы на orshafans@gmail.com Шаноўнае спадарства, галасуйма !

Параза „Асіповічаў“ у заключным туры дазволіла „Старту“ фінішаваць на 16-м месцы. Але, як вядома, праз рэглямэнт, які ўключае асобныя правілы для другіх камандаў клюбаў Вышняе лігі, колькасьць камандаў, якія выбываюць з І лігі сёлета, скарацілася да адной, апошняй пазыцыі. Адпаведна, у ІІ лігу выбыў толькі „Слонім“, аршанскія і асіповіцкія захавалі месцы ў дывізіёне. Вяртаньне Івана Беразуна ў каманду дазволіла яму палепшыць сваё становішча ў сьпісе старажылаў „Старту“ за ўсю гісторыю. Акрамя таго, у гэты пачэсны пералік увайшоў абаронца Мікіта Воўчанка. Становішча нашай каманды няўхільна пагаршалася ад канца чэрвеня да пачатку лістапада. Улетку ў каманды сталі „высыхаць“ грошы на рахунках. Клюб пакінуў дырэктар Уладзімер Ларывонаў, у выніку застаўся працаваць толькі галоўны трэнэр Мікалай Кітаёў і доктар. Нядзіўна, што ў кубку блакітна-чорныя зазналі разгромнай паразы ад берасьцейскага „Дынама“ 1:8, а ў першынстве да восені паўтарылі, але не пабілі папярэдніх адмоўных лічбаў. Сэрыя бе...

Прагулялі заключны паядынак сэзону. Адзіны гол, калі ўжо безнадзейна саступалі 0:3, загнаў на 71-й хвіліне Ільля Селязьнёў, які вызначыўся ў другой сустрэчы запар. СТАРТ: Макараў, Воўчанка (Лавал, 65), Гонжураў (Чакур, 58), Іршаў (Пунінскі, 58), Тамэла, Жэстараў (Бажанаў, 83), Расолька (к), Бабчанок, Адамчык, Селязьнёў (Беразун, 83), Салімаў. Здымкі

ПЕРАД СУСТРЭЧАЙ Заключны тур першынства, у якім „Старт“ ледзь-ледзь захаваў месца ў дывізіёне. Застаемся ў І лізе. У паядынку няма пільнай патрэбы перамагаць нікому з удзельнікаў. ІМГНЕНЬНЕ ГІСТОРЫІ 23 лістапада ў сваёй гісторыі стартаўцы гулялі толькі аднойчы — у апошнім туры І лігі ў 2019-м. Тады наша каманда зазнала прыніжальнае паразы ў Лідзе 1:8, адзіны гол у аршанцаў агадаў Іван Беразун, які й сёньня ў дружыне. ЯК БЫЛО? Гісторыя сустрэчаў „Старту“ з „Астраўцом“ досыць кароткая. Аршанцы толькі аднойчы перамагалі „ядравікоў“. Падрахунак супрацьстаяньня „Старт“ — „Астравец“: 7 сустрэчаў, +1=2-4, 13-17 2022 Старт — Астравец — 1:3 2022 Астравец — Старт — 2:0 2023 Старт — Астравец — 0:1 2023 Астравец — Старт — 4:4 2024 Старт — Астравец — 1:1 2024 Астравец — Старт — 0:5 2025 Астравец — Старт — 6:2 ШТО? ДЗЕ? КАЛІ? Сустрэча адбудзецца ў суботу, 22 лістапада, на аршанскім мескім стадыёне. А 14-й.

Стартаўцы перамаглі ў Магілёве прынцыповага спадужніка „Дняпро“ 2:0. У першай палове на 25-й хвіліне Макс Жэстараў бліскуча стрэліў з 23 мэтраў у самую „дзявятку“ і адкрыў лік. Пасьля гэтага яшчэ да перапынку аршанцы маглі павялічыць адрыў, але зрабіць гэтага не ўдалося. У другой палове доўга атакаваў „Дняпро“, маючы неблагія магчымасьці агадаць браму Макарава. Але безвынікова. Затое аршанцы на 84-й загналі другі гол, адзначыўся Ільля Селязьнёў. Перамога 2:0! У абодвух выпадках галявую перамачу аддаваў Дзьмітры Тамэла. Таксама на высокім узроўні правёў сустрэчы абаронца Станіслаў Іршаў. Пры гэтым стартаўцы перамаглі пры дзьвюх траўмах, замены Чакура і Салімава былі вымушаныя. Але, на шчасьце, ні Бабчанок, ні Беразун, якія выйшлі на поле, сумятні ў тактыку каманды ня ўнесьлі. Важная перамога! Блакітна-чорныя зь цяжкасьцю, але захоўваюць месца ў І лізе! Ільля Селязьнёў сьвяткуе гол каля кутняга сьцяжка на магілёўскім стадыёне СТАРТ: Макараў, Іршаў, Адамчык, Салімаў (Беразун, 59), Жэстара...

ПЕРАД СУСТРЭЧАЙ Выглядае, што сёлета магілёўцы выгулялі змаганьне з абласным канкурэнтам з бабруйскай „Белшыны“ за другую пуцёўку ў Вышнюю лігу. Першае месца, хутчэй за ўсё, застанецца за „Баранавічамі“, якія ўжо гарантавалі сабе першы ў 80-гадовай гісторыі выхад у Д1. Дняпроўцы правялі недасканалы сэзон, але нават гэтага ім павінна хапіць для вяртаньня ў Вышнюю. Аршанцы ў мінулым туры перамаглі пінскую „Хвалю“ і амаль што забясьпечылі сабе месца ў І лізе на наступны год. Але процістаяньне з магілёўцамі мае прынцыповы статус, у такіх паядынках заўсёды хочацца забраць пункты ў спадужніка. Калі ж гэта адбудзецца яшчэ й на ягоным полі, ды з аршанцам Глебам Жалезьнікавым у складзе дняпроўцаў, будзе выдатна. ІМГНЕНЬНЕ ГІСТОРЫІ 17 лістапада наша каманда праводзіла афіцыйную сустрэчу толькі аднойчы ў гісторыі. Гэта адбылося ў 2012-м годзе, і тая гульня завяршала першынство. На сваім полі аршанцы прагулялі менскай „Зорцы-БДУ“ 0:1. 10 гадоў таму (2015) ў сустрэчы зь „Дняпром“ у Магілёве аршанцы...

У гэты цяжка паверыць, але Мальцы здабылі першую з 22 чэрвеня перамогу!!! Насычаная драматызмам сустрэча, і аршанцы заваявалі тры пункты! Неймаверна важны крок дзеля захаваньня месца ў І лізе! На 59-й хвіліне за зрыў пэрспэктыўнай атакі з поля за дзьве жоўтыя выдалілі пінчука Палхоўскага. Першую ён атрымаў дзьвюма хвілінамі раней за неспартовыя паводзіны. Галы ў аршанцаў агадалі Гонжураў, Іршаў і Воўчанка. Прычым апошні гол быў загнаны на 90-й хвіліне пасьля разыгранкі кутняга, амаль што ў апошняй атацы! Ave, Start! СТАРТ: Макараў, Іршаў, Адамчык, Салімаў, Жэстараў (Беразун, 85), Расолька (к), Тамэла, Воўчанка, Гонжураў (Бажанаў, 90+3), Селязьнёў (Гоманаў, 90+3), Чакур (Бабчанок, 61). Здымкі

ПЕРАД СУСТРЭЧАЙ «Хваля» з 48 пунктамі на 9-м месцы ў табліцы і ўжо не вырашае ніякіх задачаў у сэзоне. Аршанцам трэба набіраць пункты, каб уратавацца ад вылету. Пакуль мы па-за гэтай зонай, але які хаця посьпех «Асіповічаў» ці «Слоніма» апусьціць нас туды. ІМГНЕНЬНЕ ГІСТОРЫІ 9 лістапада ў 2014-м годзе назаўсёды застанецца ў гісторыі нашага клюбу. Саступаючы «Ўзьдзе» на выправе 0:2, блакітна-чорныя дзякуючы трапным стрэлам Ламакі і Магаля здолелі зраўняць лік. Тая нічыя 2:2 мела велізарны эфэкт — наш клюб цалкам задавальняла нічыя ў заключным туры супраць «Крумкачоў», што й адбылося. Так аршанцы вярталіся ў І лігу, зь якой цяпер спрабуюць ня вылецець. ЯК БЫЛО? Пінчукі маюць адчувальную перавагу над «Мальцамі» ў асабістых сустрэчах. Падрахунак процістаяньня «Старту» зь пінскай «Хваляй»*: 36 сустрэчаў, +10=5-21, 40-62 *у розныя гады абедзьве каманды насілі розныя назвы. У назьве суперніка гэта адлюстравана, у аршанцаў для большай зручнасьці, паўсюль напісана гістарычнае імя «Старт». 1952 ...

Чарговая параза. 0:1 пасьля першай паловы і тры галы ў другой. Тут ужо нічога не дадасі. СТАРТ: Макараў, Іршаў, Лавал (Бажанаў, 83), Адамчык (Воўчанка, 76), Салімаў (Адыгезалзадэ, 76), Расолька (Гоманаў, 83), Тамэла, Гонжураў, Селязьнёў (Бабчанок, 58), Чакур, Беразун. Фота