orshafans

ПЕРАД СУСТРЭЧАЙ Гомельскую дружыну ўзначальвае колішні трэнэр аршанцаў Ігар Чумачэнка. „Паперапрам“ мае 52 пункты і яшчэ захоўвае шанцы падняцца ў Вышнюю лігу. Аршанцы працягваюць тануць, наша каманда зазнала 8 запар паразаў і ад чэрвеня не перамагала. У першым коле, дарэчы, „Старт“ прагуляў „Паперапраму“ на сваім полі 0:3. У складзе гамельчукоў тры шпурляры, якія выступалі раней у „Старце“. Гэта „Стартавец году-2018“ брамнік Дзяніс Садоўскі, абаронца Сіно Абсамадаў і паўабаронца Марат Калінчанка. ІМГНЕНЬНЕ ГІСТОРЫІ 2 лістапада 2014-а году „Старт“ згуляў дома ўгнічыю з „Баранавічамі“ 1:1. Гол у нашай каманды агадаў Віталь Данілкоў на 79-й хвіліне. У канцы сэзону і баранавіцкія, і аршанскія шпурляры падняліся з ІІ лігі ў І лігу. Цяпер аршанцы блізкія да вылету, а „Баранавічы“ ўпершыню ў сваёй гісторыі могуць падняцца ў эліту. ЯК БЫЛО? Гэта будзе шосты паядынак дружынаў у гісторыі. Аршанцы толькі сёлета ўпершыню саступілі гэтаму спадужніку. Падрахунак процістаяньня „Старт“ — „Паперпрам“:...

Адзіны гол з кары загнаў Дзьмітры Тамэла на 25-й хвіліне. Усё вельмі сумна ў камандзе. Але нават пры сэрыі з 8 запар паразаў мы яшчэ так і не апусьціліся ў зону вылету. Стартаўцы маюць +1 пункт ад „Асіповічаў“ і +2 ад „Слоніму“. СТАРТ: Краўчанка, Іршаў, Лавал (Жэстараў, 52), Салімаў, Тамэла, Воўчанка (Пунінскі, 76), Гонжураў, Селязьнёў, Ціханаў, Чакур, Беразун.

ПЕРАД СУСТРЭЧАЙ Гамельчукі набралі 25 пунктаў, аршанцы толькі 19. Наша каманда працягвае змаганьне за выжываньне, і ўжо ў гэтым туры, у выпадку паразы ад дублёраў „Гомлю“ і перамогі „Слоніма“ апусьцяцца ў зону вылету. Сем запар паразаў гэта ня жарты. У першым коле гамельчукі і аршанцы сустрэліся ў Добрушы, „Старт“ перамог 5:2. Хто мог падумаць, што пройдуць чатыры месяцы, а тая перамога так і будзе апошняй для аршанцаў?! Абы ня ў цэлым сэзоне. Варта захаваць месца ў І лізе. І перамога ў найбліжэйшым паядынку вельмі таму паспрыяе. Хоць гуляць давядзецца без аднаго з ключавых гульцоў абароны Тайсіра Адамчыка, які ў мінулым туры атрымаў выдаленьне. ІМГНЕНЬНЕ ГІСТОРЫІ 26 кастрычніка 1951 году адбыўся першы вядомы гісторыі на цяперашні момант паядынак будучага „Старту“, а тады яшгчэ „Працы“. Блакітна-чорныя ў першым пераходным паядынку разграмілі аршанскі ж „Лякаматыў“ 4:1. Галы заганялі Крэль-2, Красоўскі і Гатвецкі, у „чыгуначнікаў“ браму агадаў Разумаў. У паўторнай сустрэчы праз два дні ...

16-я гульня запар безь перамогі, 7-я запар параза, 3-ю запар гульню не агадваем браму спадужнікаў. Суцэльнае фіяска. СТАРТ: Макараў, Іршаў, Лавал (Бажанаў, 83), Адамчык, Жэстараў (Чакур, 46), Расолька, Тамэла, Бабчанок, Селязьнёў (Воўчанка, 57), Ціханаў (Гонжураў, 57), Пунінскі (Салімаў, 83).

Першы тур аршанкі прапускалі, а цяпер адправяцца ў Гародню, дзе 18-19 кастрычніка правядуць два паядынкі. Спачатку ў суботу, а 17:00 зь ДзЮСШ ВК „Берасьце“, а на наступны дзень апоўдні з другім складам валейбалістак гарадзенскага „Камунальніка“. Зычым камандзе посьпехаў у новым сэзоне!

СТАНОВІШЧА НАПЯРЭДАДНІ Дынамаўцы маюць 28 пунктаў і на 9 пунктаў апярэджваюць аршанцаў. У папярэднім туры менчукі прапусьцілі толькі адзін гол ад „Белшыны“, якая змагаецца за выхад у Вышнюю лігу. Аршанцы ж былі з той „Белшынай“ далёкімі ад мінімальнай паразы. ІМГНЕНЬНЕ ГІСТОРЫІ 25 гадоў таму, 18 кастрычніка 2000 году стартаўцы прагулялі ў Гомлі ЗЛіНу 1:4. Адзіны гол у складзе аршанцаў быў на рахунку Жыгірава. 10 гадоў таму ў гэты дзень аршанцы на сваім полі прагулялі „Гарадзеі“ 0:4. ЯК БЫЛО? Свайго часу аршанцы сустракаліся з камандай „Дынама-Юні“, створанай адмыслова пад рыхтаваньне рэзэрвы асноўнай дынамаўскай дружыны. У складзе той каманды ў Воршу прыяжджалі такія будучыя легенды як Аляксандар Глеб, Віталь Валадзянкоў, іншыя выхаванцы знакамітай дынамаўскай школы, якія рыхтаваліся на замену аршанцу Пятру Качуру, які блішчэў у асноўным складзе асновы. „Дынама-ІІ“ — проста дубаль, хоць яго сутнасьць як другой каманды менчукоў ясная. Таму паспрабуем правесьці паралелі і вывесьці статыс...

Вельмі старанная гульня ад нашай каманды. Форма і матывацыя, вядома, адрозьніваюцца. Акрамя таго, судзьдзі прызначылі "левы" 11-мэтровы ў нашу браму, зь якога "Баранкі" адкрылі лік. Расолька падаў на траву і не гуляў рукою. Цырк ад арбітраў другі паядынак запар, і нашая каманда, без таго слабая, цярпіць несправядлівасьць. Агулам жа "Баранавічы" заслужылі вікторыю, але яна далася гасьцям зусім ня так лёгка. Стартаўцы мелі магчымасьці зраўнаць лік пры 0:1. Але ў вныіку прагулялі 0:2, крыўдна. Працягваем змагацца за выжываньне. "Баранавічы" перамаглі ў Воршы ўпершыню за апошнія шэсьць гульняў. Нашай камандзе можна сказаць "дзякуй" за стараннасьць і нельга папракнуць у бязвольнасьці. Макс Жэстараў у атачэньні праціўнікаў СТАРТ: Макараў, Іршаў, Адамчык, Жэстараў (Нэджы, 88), Расолька (к) (Салімаў, 81), Бабчанок, Селязьнёў, Ціханаў, Чакур, Беразун (Гонжураў, 88), Пунінскі. Здымкі

СТАНОВІШЧА НАПЯРЭДАДНІ Галоўнай нечаканасьцю гэтага сэзону ў І лізе стаў поступ „Баранавічаў“. Чырвона-сінія могуць упершыню ў гісторыі прабіцца ў Вышнюю лігу краіны. Больш за тое — яны апярэджваюць такіх „зуброў“ як „Дняпро“ і „Белшына“, займаючы першае месца ў табліцы. І набралі на 40 пунктаў болей за „Старт“, чаго, здаецца, ніколі не было. Тут, вядома, грае ролю і правальнае выступленьне аршанскай каманды. Нашы шпурляры не перамагалі з чэрвеня і ўсё глыбей падаюць на дно. Перад камандай застаецца цалкам рэальнай магчымасьць вылету ў ІІ лігу. ІМГНЕНЬНЕ ГІСТОРЫІ 5 гадоў таму (2020) 11 кастрычніка стартаўцы ў паядынку першынства Беларусі прагулялі дома гомельскаму „Лякаматыву“ 0:2. ЯК БЫЛО? Каманды — даўныя спадужнікі, яны шмат сустракаліся ў першынстве БССР, і з наступленьнем Незалежнасьці не перасталі. У першым коле сёлетняга першынства баранавіцкія шпурляры спынілі сэрыю з трох запар сухіх паразаў ад аршанцаў. Прычым зрабілі гэта з эфэктнай разгромнай перамогай. Падрахунак процістая...

Зноўку прагулялі. Тут усё чакалася, бабруйчане яшчэ спадзяюцца ўскочыць у вагон Вышняе лігі. Быў адцінак гульні, калі мы маглі адгуляцца і пазмагацца за пункт прынамсі. Але ўсё перакрэсьлілі судзьдзі, якія не зафіксавалі па-за гульнёй у гэтым эпізодзе. Нападнік „Белшыны“ Голуб часткай цела ўжо быў на чужой палове поля. Але брыгада Палтаржыцкі, Пакулін, Хомчанка, відаць, вельмі „любяць“ Воршу, і такіх становішчаў не паказваюць. Пакуль палтаржыцкія і навумавы будуць судзіць як нічога ніякага, ровень І лігі будзе працягваць падзеньне. З нашай дружынай усё вельмі сумна. Нават ня ведаем што яшчэ казаць. СТАРТ: Макараў, Бажанаў (Салімаў, 46), Іршаў, Адамчык, Жэстараў (Адыгезалзадэ, 70), Расолька (к), Тамэла, Бабчанок, Селязьнёў (Гоманаў, 84), Чакур (Башун, 84), Пунінскі (Беразун, 30). Здымкі

Дружыне прыляцела тэхнічная параза 0:3 (-:+) за няправільнае правядзеньне заменаў. На полі апынуліся чацьвёра расейцаў, што парушае рэглямэнт. Для Воршы гэта не зьмяняе нічога, мы й на полі там пунктаў не набралі. Яшчэ клюб чакае штраф у 420 рублёў. Але гэта нагода паглядзець, калі апошнім разам нашай камандзе залічвалі тэхнічную паразу. За ўсю гісторыю „Старту“ залічылі тэхнічную паразу на рэспубліканскім роўні ўпершыню! Агулам жа тэхнічная параза ў нашай гісторыі была адна. У 1993 годзе „Лягмаш“ не зьявіўся на паядынак першынства Воршы супраць „Лёсу“ з Барані. Цікава, што ў наступным годзе на гульню мескага першынства супраць „Лягмашу“ (які выступаў ужо тады з постфіксам „Юні“) не прыйшоў ужо „Лёс“. Яшчэ аднойчы наша каманда зьнялася пасьля 8 тураў. Было гэта ў першынстве 1964 году, на той момант „Машынабудаўнік“, як называлася наша каманда, займала апошняе, 8-е месца.