orshafans

 Перамогу аршанцам прынёс Уладзіслаў Пунінскі на 90-й хвіліне! Пасьля шэрагу небясьпечных момантаў аршанцы зарабілі права на свабодны. Тамэла навесіў, гаспадары поля адвялі небясьпеку, але другім тэмпам Жэстараў заслаў мяч у карную зону зноў, а там пасьля некалькіх спробаў удараў мяч адкаціўся да Пунінскага, які сам жа тую атаку і пачынаў, яшчэ вынасам ад сваёй брамы. Пунінскі дакладна прабіў і прынёс аршанцам першыя пункты ў сэзоне 2025 году! І ліга Беларусі. Тур 2 Мінск-ІІ 0:1 Старт (Ворша)

ПЕРАД ГУЛЬНЁЙ Ну вядома ж, поле ў Воршы зноў не гатовае прымаць супернікаў у красавіку! На паўночным жа полюсе жывем, відаць. Таму зноў памяняліся палямі, як і кожны год зь нейкім супарам. Гэта — дадатковая нагрузка на каманду, якая прагуляла першыю сустрэчу дублёрам барысаўскага БАТЭ 2:7. Цяпер у супарах яшчэ адны дублёры — «Мінск-ІІ». Праціўнік таксама няўдала пачаў сэзон, прагуляўшы ў першым туры ў Астраўцы 1:4. ІМГНЕНЬНЕ ГІСТОРЫІ Аршанцы пачалі сэзон з разгромнай паразы. Як мы вызначылі раней, лік 2:7 сустракаўся ў клюбнай гісторыі. А цяпер успомнім, што з разгромнай паразы ў пяць галоў нашы таксама ўжо пачыналі чэмпіянат. Было гэта ў 1959 годзе, калі першынство стартавала з паразы ад гомельскага ВРЗ 1:6. Прычым тая сустрэча была для нашай каманды хатняй. Гэтыя два вынікі — найгоршы пачатак для аршанцаў за ўсю гісторыю. ЯК БЫЛО? «Мінск-ІІ» раней ужо выступаў у «асноўным» рэспубліканскім першынстве і сустракаўся з аршанцамі не аднойчы. Упершыню гэта адбылося ў 2007-м годзе ў гульнях...