Старт — БАТЭ-ІІ — 1:1

У каманды зноў не атрымалася шмат наперадзе. Арбітар сустрэчы спадар Наронскі надта лагодна ставіўся да парушэньняў правілаў, калі барысаўчане грубілі супраць Тамэлы. У выніку Тамэла і стаў як аўтарам адзінага голу стартаўцаў (на 17-й хвіліне прабіў галавой пасьля падачы кутняга), так і бадай найлепшым гульцом блакітна-чорных. У дададзены да першай паловы паядынку час барысаўчане зраўнялі лік, і гол атрымаўся кур'ёзным — закід шпурляка наперад, гулец БАТЭ-ІІ не пасьпявае прабіў галавой, але дэзарыентуе Ігнатовіча — шпурляк у сетцы, лік роўны.


Зноў нічыя. Трэцяя запар. І зноў тады, калі наша каманда была хоць на крок, але бліжэй да перамогі. Дружына Кітаёва катэгарычна ня ўмее перамагаць у роўных матчах, пакуль вучыцца. А нападніку Ціхаміраву трэба, як той казаў, у царкву схадзіць, каб пачаць заганяць. Застаемся ў хвасьце табліцы, што моцна не падабаецца.

СТАРТ: Ігнатовіч, Іршаў, Чарнадараў, Ціхаміраў (Антонаў, 53), Расолька (к), Тамэла, Воўчанка, Пунінскі, Жалезьнікаў (Кучараў, 75), Мельнік, Кармішын (Сушкоў, 61).

Фота з гульні

Коментарі

Дописати коментар

Популярні дописи з цього блогу

Тур 2. Хваля — Старт — 3:0

Зображення
Наша дружына цяжка ўваходзіць у сэзон. У параўнаньні зь першым турам Мікалай Кітаёў зрабіў у стартавым складзе толькі адну замену — замест Пахомава зь першых хвілінаў зьявіўся Шалычаў. Моманты ў аршанцаў былі, але не такія вострыя і ня так шмат. Усе галы прыйшлі пасьля досыць нехлямяжай рэакцыі нашае абароны на дзеяньні пінчукоў. Мабыць, лік завялікі, і разгрому мы не заслужылі, але «Хваля» дакладна павінна была перамагчы. «Старт» загнаў гол толькі ў канцы сустрэчы пры безнадзейным ліку, ды й той быў скасаваны. СТАРТ: 1.Ігнатовіч, 4.Іршаў, 7.Чарнадараў, 10.Расолька, 11.Тамэла, 20.Пунінскі, 21.Жалезьнікаў (17.Антонаў, 83), 55.Мельнік, 70.Сушкоў (23.Гонжураў, 85), 77.Кармішын, 82.Шалычаў (91.Шамсіеў, 71).
Докладніше

Два «К», якія паспрыялі. Карнееў і Каберскі

Зображення
Раней мы пісалі пра Дзьмітрыя Карнеева , які пакінуў сьлед у гісторыі спартовай Воршы. Вядомы гулец менскіх ІФК, «Спартака», «Беларусі», «Тарпэда» і гомельскага «Лякаматыву» ўвайшоў у гісторыю аршанскага «Старту». У першынствах СССР у ножным шпурляку нарадзінец расейскай Пензы правёў за менскіх спартакаўцаў 134 сустрэчы і агадаў 29 галоў, 4 разы станавіўся чэмпіёнам БССР і аднойчы — РСФСР. Пасьля заканчэньня выступленьняў Карнееў дапамагаў Рувіму Аўцыну ў трэнавальным працэсе «Старту» ў хакеі зь мячом. Аднак атрымалася так, што адным відам ягонае знаходжаньне ў Воршы не абмежавалася — славуты майстар спорту, імя якога ведаў кожны аматар у Беларусі, даў некалькі практычных заняткаў і ў ножным шпурляку, балазе амаль усе хакеісты гулялі таксама ў футбольнай камандзе «Старту». Праца Карнеева і яго дапамога Аўцыну сталі вялікай падтрымкай дружыне. Лёсавызначальны момант у гульні менскага "Спартака" з маскоўскім "Лякаматывам", пасьля гэтай траўмы Карнееў ужо не вярнуўся н
Докладніше

Заяўка «Старт» (Ворша) на сэзон 2024

Зображення
На гульні І лігі ў складзе аршанцаў заяўленыя 22 гульцы: Брамнікі — Андрэй Ігнатовіч (2003), Раман Краўчанка (2004); абаронцы — Мікіта Воўчанка (2002), Станіслаў Іршаў (Расея; 1998), Сяргей Мельнік (1995), Данііл Пахомаў (Расея; 2003), Мікіта Цюніс (2003), Віталій Шалычаў (Расея; 2001); паўабаронцы — Арцём Гонжураў (2003), Глеб Жалезьнікаў (1997), Аляксандар Кучараў (1995), Ягор Малаткоў (2003), Уладзіслаў Пунінскі (2002), Павал Расолька (1993), Павал Сушкоў (2004), Дзьмітры Тамэла (1992), Аляксей Чарнадараў (2001), Натан Шамсіеў (Расея; 2003); нападнікі — Віталь Булыга (1980), Уладзіслаў Кармішын (Расея; 1995), Кантэмір Сабліраў (2006), Дзьмітры Ціхаміраў (1999). Галоўны трэнэр — Мікалай Кітаёў (1984). Трэнэры — Аляксей Шубянок (1961), Сяргей Кузьмініч (1977).
Докладніше