Старт (Ворша) — Макслайн (Віцебск) — 0:1

На 90+2 хвіліне сустрэчы "Макслайну" ўдалося вырваць першую ў гісторыі перамогу над аршанцамі. Артур Чудук з пасу Андрэя Хачатур'яна зрабіў гэта магчымым, а аршанская абарона "праспала" небясьпеку, што прыйшла з кутняга боцу.

Мабыць, празь сьпёку гульня не была вельмі актыўнай, хоць і слабой яе не назваць. Вярнуўся ў склад пасьля траўмы Павал Расолька. Супернікі правялі ўдарную першую палову, за якую Андрэй Ігнатовіч тройчы ратаваў нас невераемнымі кідкамі па кутах. У другой палове пэўны час моманты пераважна стваралі аршанцы, але ні Чарнадараву, ні Ціхаміраву, ні Кучараву вызначыцца не ўдалося. Успомнім яшчэ момант Мельніка ў першай палове. У другой палове на замену зьявіўся Іван Верас, але яго неўзабаве якраз замянілі на Ціхамірава. Відаць, не задаволіў ягоны выхад Кітаёва. Затое іншы навічок каманды Павал Кляньнё згуляў поўны паядынак і нават атрымаў прызнаньне як найлепшы гулец сустрэчы, хоць тут бы можна было аддаць гэтае званьне Ігнатовічу.

Крыўдная параза, як і заўсёды, калі прапускаеш у канцы гульнявога часу. Адставаньне ад 5-га радку вырастае мінімум на 9 пунктаў, што гарантуе нам "балота" ўжо да канца першынства. Няпроста быць камандай безь вялікіх турнірных задачаў.

Глеб Жалезьнікаў правёў сваю 128-ю сустрэчу за "Старт", апярэдзіў нядаўняга аднаклюбніка Аляксея Казарына і выйшаў на чыстае 20-е месца ў сьпісе старажылаў каманды за ўсю гісторыю.




СТАРТ: Ігнатовіч, Воўчанка, Жалезьнікаў, Чарнадараў, Мельнік, Антонаў, Іршаў, Гонжураў, Жэстароў, Тамэла, Кляньнё.
На замены выходзілі: Верас, Шэпэлеў, Ціхаміраў, Расолька і Кучараў.




Фотарэпартаж

Коментарі

Дописати коментар

Популярні дописи з цього блогу

Два «К», якія паспрыялі. Карнееў і Каберскі

Зображення
Раней мы пісалі пра Дзьмітрыя Карнеева , які пакінуў сьлед у гісторыі спартовай Воршы. Вядомы гулец менскіх ІФК, «Спартака», «Беларусі», «Тарпэда» і гомельскага «Лякаматыву» ўвайшоў у гісторыю аршанскага «Старту». У першынствах СССР у ножным шпурляку нарадзінец расейскай Пензы правёў за менскіх спартакаўцаў 134 сустрэчы і агадаў 29 галоў, 4 разы станавіўся чэмпіёнам БССР і аднойчы — РСФСР. Пасьля заканчэньня выступленьняў Карнееў дапамагаў Рувіму Аўцыну ў трэнавальным працэсе «Старту» ў хакеі зь мячом. Аднак атрымалася так, што адным відам ягонае знаходжаньне ў Воршы не абмежавалася — славуты майстар спорту, імя якога ведаў кожны аматар у Беларусі, даў некалькі практычных заняткаў і ў ножным шпурляку, балазе амаль усе хакеісты гулялі таксама ў футбольнай камандзе «Старту». Праца Карнеева і яго дапамога Аўцыну сталі вялікай падтрымкай дружыне. Лёсавызначальны момант у гульні менскага "Спартака" з маскоўскім "Лякаматывам", пасьля гэтай траўмы Карнееў ужо не вярнуўся н
Докладніше

Памёр Аляксей Шубянок

Зображення
На 63-м годзе памёр адзін з трэнэраў «Старту» Аляксей Шубянок. У лютым 2023 году вядомы слонімскі трэнэр далучыўся да нашай каманды і працаваў у ёй да канца. Спачуваньні родным і блізкім… Аляксей Шубянок нарадзіўся 15 верасьня 1961 году ў Менску. Ножным шпурляком пачаў займацца ў 7 гадоў ва ўкраінскім Харкаве, а затым трэнаваўся ў Варашылаўградзкім спартовым інтэрнаце (цяпер Луганск). У 1984 годзе скончыў Інстытут фізкультуры ў Душанбэ. Выступаў за таджыцкія, узбэцкія, украінскія каманды, у 1990 годзе вярнуўся ў родную Беларусь і далучыўся да «Абутніка» зь Ліды. У 1993-м пачаў трэнэрскую кар’еру ў дзіцяча-юнацкай школе Ліды. Затым працаваў памочнікам у трэнэрскім штабе «Абутніка», і потым — слонімскага КПФ. У 1995-м узначаліў слонімскі «Камунальнік», які ён у 1996-м і 1999-м выводзіў у Вышнюю лігу. У 2009-м годзе разам з іншай слонімскай камандай — «Белтрансгазам» — перамагаў у ІІ лізе. Акрамя таго, Шубянок працаваў са жлобінскім «Камунальнікам», магілёўскім «Тарпэда-Кадына», гомельскі
Докладніше

Тур 2. Хваля — Старт — 3:0

Зображення
Наша дружына цяжка ўваходзіць у сэзон. У параўнаньні зь першым турам Мікалай Кітаёў зрабіў у стартавым складзе толькі адну замену — замест Пахомава зь першых хвілінаў зьявіўся Шалычаў. Моманты ў аршанцаў былі, але не такія вострыя і ня так шмат. Усе галы прыйшлі пасьля досыць нехлямяжай рэакцыі нашае абароны на дзеяньні пінчукоў. Мабыць, лік завялікі, і разгрому мы не заслужылі, але «Хваля» дакладна павінна была перамагчы. «Старт» загнаў гол толькі ў канцы сустрэчы пры безнадзейным ліку, ды й той быў скасаваны. СТАРТ: 1.Ігнатовіч, 4.Іршаў, 7.Чарнадараў, 10.Расолька, 11.Тамэла, 20.Пунінскі, 21.Жалезьнікаў (17.Антонаў, 83), 55.Мельнік, 70.Сушкоў (23.Гонжураў, 85), 77.Кармішын, 82.Шалычаў (91.Шамсіеў, 71).
Докладніше