Старт (Ворша) — Ліда — 1:2

Максім Пашкевіч у 11-м туры зьмяніў гульнявы нумар з 16 на 3, але гэта не перашкодзіла яму зноў агадаць браму спадужнікаў — гэтым разам „Ліды“. Гэта адбылося на 66-й хвіліне. Але ў канцы сустрэчы лідзяне ўсё ж даціснулі нас і загналі пераможны гол. Надта пасіўна ў тым эпізодзе выглядаў Тарбякоў. Але было б несправядлівым назваць яго і не сказаць, што недастаткова востра і вынаходліва паказала сябе наша сярэдняя лінія.


А галоўнае вынік — ён незадавальняльны. У сустрэчы зь „Лідай“ каманда змагалася за тры пункты, а ў выніку не набрала ніводнага. А цяпер мае толькі 2 пункты ад зоны вылету, хаця гэты тэрмін у І лізе даволе ўмоўны, прызнаем.



СТАРТ: Валадзькоў, Пашкевіч, Тарбякоў, Беразун (Камароў, 86), Стаін, Кулеш (Бабчанок, 57), Воўчанка, Вехцеў, Жалезьнікаў, Шалычаў, Бардукоў.



ЛІЧБЫ

Апошнія тры на гэты момант галы стартаўцаў загнал адзін шпурляр — Максім Пашкевіч. Агулам ён загнаў ужо 7 галоў у 10 паядынках за клюб. Рэдка хто страляе так трапна і спрытна.


Мікіта Воўчанка правёў 118-ю сустрэчу ў кашулі „Старту“. Абаронца зраўняўся з Паўлам Хомічам, злучным каманды ў 2000-2010-яя. І гэта 26-е месца ў сьпісе старажылаў блакітна-чорных.

Коментарі

Дописати коментар

Популярні дописи з цього блогу

Кніга „На ‚Старт’ і ў ‚Тэмпе’! Ножны шпурляк на Аршаншчыне“! Дзе купіць?

Зображення
  📚 Кніга „На ‚Старт’ і ў ‚Тэмпе’! Ножны шпурляк на Аршаншчыне“ выйшла ў Лёндане, у выдавецтве Skaryna Press.  Вас можа зацікавіць і  саколка , выпушчаная адмыслова з нагоды выхаду кнігі. Яна яшчэ ў наяўнасьці. Можна заказаць па ўсёй плянэце. Крамы і выдавецтвы, дзе можна набыць кнігу: Лёндан Skaryna Press Вільня Kropka Варшава bukinistka „Кнігаўка“ Vyraj Гданьск Chatka Кракаў Gutenberg
Докладніше

Аршанскі стадыён на аэраздымках часоў ІІ усясьветнай вайны

Зображення
Як вы ўжо, магчыма, чыталі , Нацыянальны архіў ЗША рассакрэціў шмат здымкаў, зробленых нямецкімі вайскоўцамі ў часы ІІ усясьветнай вайны. Здымкі апрацавалі беларускія праграмісты, якія забралі іх на адмысловыя мапы дзеля зручнасці прагляду. Першая мапа была створаная на аснове Google Maps , другая — на ґрунце OpenStreetMap . Разрозьненьне здымкаў складае 3800 × 3800 піксэлаў, чаго дастаткова для таго, каб зразумець пляніроўку і пазнаць асобныя будынкі і збудаваньні. На некалькіх картках ёсьць аэраздымка Воршы. Арыентуючыся на выгіны Дняпра і месца ўпаданьня ў яго Аршыцы, можна ўбачыць і стадыён. Дзеля зручнасьці мы вылучылі яго блакітнай рамкай. Толькі тут бачым незвычайнасьць, якую раней не апісвалі: стадыён месьціцца не на самым беразе Дняпра, як цяпер, а крыху „ўглыб“, ужо за будынкам гімназіі № 2 (раней Рэальная вучэльня, затым дасьледча-вытворчая сямігодка, затым школа № 1). Простакутнік стадыёну ў той час (а здымкі зробленыя ў пэрыяд 1941-1944) сваёй доўгай граньню быў простаста...
Докладніше

Грошы і Ворша. Архівы пра грошы ў аршанскім ножным шпурляку

Зображення
Задума гэтага артыкулу нарадзілася даўно, але не было то часу, то магчымасьці яго напісаць. Мы ўбачым, якія грошы зараблялі трэнэры і спартоўцы на заводах у Воршы, да якіх былі прыпісаныя. Усе зьвесткі ўзятыя з архіўных дакумантаў. 14 гадоў таму, у красавіку 2002 году адбыўся сход каманды „Ворша“ („Старт“), на якім гульцам і трэнэрскаму штабу заявілі: грошай няма, і клюб ня будзе заяўлены на рэспубліканскае першынство ўпершыню ў незалежнай Беларусі. Гэта пры тым, што наш клюб меў стартаваць у І лізе, дзе часта гуляў някепска. Рашэньне выканкаму стала працягам нягодаў клюбу з грашыма — у папярэднія гады нявыплаты і недаплаты ўжо сталі звыклай весткай для Воршы. Быў нават момант, калі каманда затрымлівала час пачатку паядынку, пратэстуючы супраць нявыплаты заробкаў. Здараўся й момант, калі блакітна-чорныя адмаўляліся выходзіць на поле праз абыякавасьць тагачаснага кіраўніка места Майсеюка да каманды, але дружыну ўдалося ўгаварыць згуляць. Падрабязьней пра тыя выпадкі можна пачытаць у кні...
Докладніше