1/32 фіналу. Клецак — Старт — 0:6

Каманда ўзяла пераканаўчы рэванш за неспадзяваны і ганебны вылет з Кубку ў Клецку 5 гадоў таму. Разгром 6:0!

Галы былі на ўсякі густ, наша каманда асабліва шчыравала пад канец сустрэчы. Выхад у 1/16 фіналу здабыты!



22 траўня 2024. Клецак, Мескі стадыён. Клецак (Д3) — Старт (Ворша, Д2) — 0:6

СТАРТ: Краўчанка (Ігнатовіч, 83), Расолька (Гонжураў, 64), Тамэла, Воўчанка (Цюніс, 83), Пунінскі, Жалезьнікаў (Антонаў, 64), Пахомаў (Чарнадараў, 35), Мельнік, Сушкоў, Кармішын (Сабліраў, 83), Шалычаў (Ціхаміраў, 46).

Галы: 0:1 - Расолька (45+1), 0:2 - Ціхаміраў (59), 0:3 - Мельнік (79), 0:4 - Тамэла (84), 0:5 - Антонаў (87), 0:6 - Тамэла (90)

На 45-й хвіліне Расолька не агадаў з карнага (слупок).

Лічбы пасьля матчу з «Клецкам»:

  • Першыя афіцыйныя гульні за «Старт» правялі Мікіта Цюніс і Кантэмір Сабліраў;
  • Дзьмітры Тамэла загнаў першыя два галы за каманду;
  • Павал Расолька мае цудоўную выніковасьць, асабліва як для абаронцы — за 8 праведзеных за «Старт» сустрэч ён ужо 4 разы вызначыўся галамі;
  • Перамога 6:0 — трэцяя ў сьпісе найбуйнейшых вікторый «Старту» ў нацыянальным кубку за ўвесь час. Цяпер тройка выглядае так: 8:0 (СДЗюШАР 8 Пінск, 2017 год, 1/32 фіналу), 7:0 (ЮАС Жыткавічы, 2016 год, 1/32 фіналу), 6:0 (Клецак, 2024 год, 1/32 фіналу).

Коментарі

Дописати коментар

Популярні дописи з цього блогу

90 гадоў таму. Аршанскія футбалісты ў матчы адкрыцьця менскага стадыёну «Дынама»

Зображення
Сёньня, 12 чэрвеня менскаму стадыёну «Дынама» спаўняецца 90 гадоў. Менавіта ў гэты дзень у 1934 годзе на арэне адбылася першая сустрэча. А гуляла ў ёй каманда з Воршы! Стадыён, які затым стане галоўным у Беларусі, на момант пабудовы быў ня першым па памерах у сталіцы. Тады яшчэ існаваў Усебеларускі стадыён, які месьціўся ў раёне будучага парку Чалюскінцаў. Той стадыён у бальшавіцкім духу быў названы ў гонар «10-годзьдзя вызваленьня Беларусі ад белапалякаў». Першым турнірам на «Дынама» стала першынство Белсавету фізкультурна-спартовага таварыства «Дынама», і ў ім удзельнічалі дынамаўцы Воршы. Перад гэтым аршанскія «бела-блакітныя» перамаглі ў абласным турніры. Загад ад 11 чэрвеня 1934 з патрабаваньнем забясьпечыць прысутнасьць і працу міліцыянтаў на парадзе і спартовых спаборніцтвах. Па прыезьдзе ў Менск аршанцы паўдзельнічалі ў дынамаўскім парадзе, а затым быў сам ножны шпурляк. Звычайна гэты здымак проста падпісваецца "Стадыён Дынама ў 30-я". Але, магчыма, гэта і ёсьць завяр
Докладніше

Памёр Аляксей Шубянок

Зображення
На 63-м годзе памёр адзін з трэнэраў «Старту» Аляксей Шубянок. У лютым 2023 году вядомы слонімскі трэнэр далучыўся да нашай каманды і працаваў у ёй да канца. Спачуваньні родным і блізкім… Аляксей Шубянок нарадзіўся 15 верасьня 1961 году ў Менску. Ножным шпурляком пачаў займацца ў 7 гадоў ва ўкраінскім Харкаве, а затым трэнаваўся ў Варашылаўградзкім спартовым інтэрнаце (цяпер Луганск). У 1984 годзе скончыў Інстытут фізкультуры ў Душанбэ. Выступаў за таджыцкія, узбэцкія, украінскія каманды, у 1990 годзе вярнуўся ў родную Беларусь і далучыўся да «Абутніка» зь Ліды. У 1993-м пачаў трэнэрскую кар’еру ў дзіцяча-юнацкай школе Ліды. Затым працаваў памочнікам у трэнэрскім штабе «Абутніка», і потым — слонімскага КПФ. У 1995-м узначаліў слонімскі «Камунальнік», які ён у 1996-м і 1999-м выводзіў у Вышнюю лігу. У 2009-м годзе разам з іншай слонімскай камандай — «Белтрансгазам» — перамагаў у ІІ лізе. Акрамя таго, Шубянок працаваў са жлобінскім «Камунальнікам», магілёўскім «Тарпэда-Кадына», гомельскі
Докладніше

Аркадзю Сусману — 75!

Зображення
2 студзеня юбілей сьвяткуе адзін з найлепшых футбалістаў і хакеістаў Воршы за ўсю гісторыю Аркадзь Сусман. Нападнік «Старту» за сваю кар’еру аддаў нямала важных перадач, якія вырашалі лёс сустрэч. А таксама правёў нямала важных галоў. Жыцьцё трэба жыць так, каб подзьвігі ў спорце ўспаміналі і праз шмат гадоў пасьля заканчэньня кар’еры, каб адзін з заўзятараў, якія ўвосень 2023 году сустрэліся з Аркадзем Самуілавічам у ізраільскай Нагарыі, успомніў гісторыю са свайго дзяцінства: ён прыйшоў у бібліятэку і папрасіў кнігу «Чатыры галы Аркадзя Сусмана», а затым, засаромеўшыся сваёй нечаканай сьмеласьці, уцёк ад бібліятэкаркі, якая ніяк не магла ўспомніць такое найменьне кнігі. Між іншым, публікацыя пра «чатыры галы» сапраўды была, толькі ня ў кнізе, а ў газэце, пасьля таго, як Сусман зрабіў покер у матчы з ваўкавыскай камандай «Праца». Вось як трэба любіць футбол! Шчырыя і сардэчныя віншаваньні Аркадзю Сусману ў гэты дзень! Зь юбілеем! Спасылкі: Сустрэча з Аркадзем Сусманам у 2023-м Вялікая
Докладніше