orshafans

Статыстыка гульцоў «Старту» ў сэзоне-2024: брамнікі — Ігнатовіч Андрэй 33 (-41), Краўчанка Раман 6 (-10) палявыя — Чарнадараў Аляксей 32/6, Жалезьнікаў Глеб 31/4, Іршаў Станіслаў (Расея) 30/2, Мельнік Сяргей 30/1, Воўчанка Мікіта 30, Пунінскі Ўладзіслаў 30, Тамэла Дзьмітры 28/8, Ціхаміраў Дзьмітры 28/5, Гонжураў Арцём 26/3, Антонаў Арцём 26/1, Расолька Павал 22/4, Жэстараў Максім (Расея) 18/1, Сушкоў Павал 17, Кучараў Аляксандар 16/2, Шэпелеў Антон 15/2, Вераб’ёў Даніла 10/1, Верас Іван 10/1, Кармішын Уладзіслаў (Расея) 10/1, Смольнікаў Мікіта (Расея) 8, Шалычаў Віталій (Расея) 6, Шамсіеў Натан (Расея) 6, Малаткоў Ягор 5/1, Кляньнё Павал 4/1, Сабліраў Кантэмір (Расея) 4, Цюніс Мікіта 2, Гаравец Дзяніс 2, Пахомаў Данііл (Расея) 1, Кітаёў Мікалай 1. 2 аўтагалы супернікаў. Галоўны трэнэр: Мікалай Кітаёў. Апошняя сустрэча, якую засталося правесьці ў першынстве АБФФ-17 і Дынама-ІІ, ужо ніяк не паўплывае на выніковае месца «Старту». У сёлетнім першынстве «Старт» набраў 45 пунктаў — найвялікш...

У заключным туры аршанцы згулялі з бабруйскай «Белшынай». Калі ў першай палове супернікі змагаліся на роўных, дык у другой нашы гульцы дазволілі суперніку двойчы трапна прабіць і адносна лёгка забраць тры пункты за перамогу. Гол аршанцаў залічылі на рахунак самастрэлу бабруйчаніна вырашальную ролю ў гэтым згуляў нападнік «Старту» Іван Верас, які наогул правёў добры паядынак. Далей арбітар Арцём Ясель паставіў дзіўны свабодны ў браму аршанцаў, калі бабруйчанін пасьлізнуўся на сьнезе. Патароча дакладна стрэліў у дзявятку нашай брамы і зраўняў лічбы на ўлікоўніку. У другой палове аршанцы прапусьцілі яшчэ двойчы. Пры ўсім тым, што Мікалай Кітаёў нядаўна хваліў калектыў, адзначаючы выдатную атмасфэру ў ім, клясы камандзе не стае, вось і тут бабруйчане адносна спакойна давялі сустрэчу да перамогі. У другой палове толькі Ціхаміраву ўдалося прабіць па браме гасьцей. Няма ўдараў — не спадзявайся на гол. Спрабаваць трэба. Але ў апошнія 45 хвілінаў атакі ў нас амаль што й не было. Падагульненьне ...

ПЕРАД СУСТРЭЧАЙ Апошні тур, шаноўнае спадарства. «Белшына» ня выканала галоўнай задачы на сэзон — прабіцца ў Вышнюю лігу. Каманда нават у выпадку перамогі над «Стартам» ня будзе вышэй за 4-е месца, а гэта значыць, што нас чакаюць сустрэчы з бабруйчанамі й налета. Што тычыцца аршанцаў, дык наша каманда яшчэ можа падняцца на 9-ы радок, калі «Паперпрам» раптам зазнае паразы ў Слоніме. Але ўваход у васьмёрку блакітна-чорным у кожным выпадку не скарыўся. ІМГНЕНЬНЕ ГІСТОРЫІ Пяць гадоў таму, у гэты дзень, 23 лістапада, аршанцы ўжо завяршалі сэзон. Тады была выправа да «Ліды», і паядынак скончыўся для нашай дружыны ганебнай паразай 1:8. Таму ўспаміны пра дату не найлепшыя. ЯК БЫЛО? Каманды Воршы і Бабруйску маюць амаль стагодзьдзе супрацьстаяньня паміж сабой — 99 гадоў таму адбылася першая вядомая зь пісьмовых крыніц сустрэча. Тады 22 жніўня 1926 году зборныя местаў сустрэліся ў фінале першага неафіцыйнага першынства Беларусі (БССР) ў Менску, і бабруйчане загналі аршанцам два кочы без адказу і...

19 лістапада 1924 году нарадзіўся Рувім Аўцын — выбітны спартовы дзеяч Аршаншчыны. Сёлета яму споўнілася бы 100 гадоў. Страціўшы многіх родных падчас Галакосту, узяўшы ўдзел у ІІ Усясьветнай вайне, у другой палове 40-х Рувім Аўцын вярнуўся ў Воршу, дзе займаўся арганізацыяй спартовых спаборніцтваў. Ён быў і дырэктарам, і інструктарам, і трэнэрам, і футбалістам, і судзьдзёй, і журналістам — усе гэтыя ролі ён паспрабаваў, каб прымаць удзел у аднаўленьні і прагрэсе аршанскага спорту. На заводзе «Легмаш» культывавалі шмат відаў спорту, але ножны шпурляк і каманда «Старт» сярод іх займалі галоўную пазыцыю. Ёсьць вэрсія, што менавіта Аўцыну і ягоным літаратурным перавагам наша каманда абавязаная сваёй яркай і ёмістай назвай. Аналізуючы шэраг размоваў з вэтэранамі клюбу, можна скласьці партрэт Аўцына, карыстаючыся рысамі, якія найчасьцей падкрэсьліваюць у ім тыя гульцы, якія выступалі пад яго кіраўніцтвам. Рувім Аўцын быў даволі эмацыйным чалавекам, які штодня жыў камандай, цікавіўся жыцьцём ...

 Апошні гасьцявы матч сэзону падарыў шмат незвычайнага. Аршанцы правялі такую штуку, якая запомніцца. Дзеля гэтага трэба прасачыць усю гісторыю зьмяненьня ліку. У канцы першай паловы Аляксей Чарнадараў скарыстаўся памылкай левага абаронцы "Паперпраму" ў перадачы і запусьціў "парашут" за каўнер брамніку, прыгожы стрэл і выніковы! Аднак да перапынку аршанцы не дацярпелі - цудоўны ўдар Весілевіча ў самую "дзявятку" зрабіў лічбы на ўлікоўніку роўнымі зноў. У другой палове, на 56-й хвіліне стартаўцы закешкаліся ў сваёй карнай зоне пасьля падачы кутняга, пара ўдараў "Паперпраму" - і гамельчукі выйшлі наперад. На 74-й нашы "празявалі" ўдар галавой, лік стаў 3:1. Здавалася, што гэта канец... Дэкарацыі як у кампутарнай гульні FIFA Аднак праз тры хвіліны Чарнадараў бліскуча справіўся зь візаві на правым флянгу, прастрэліў, і Даніла Вераб'ёў замкнуў перадачу. 3:2, надзея ё! На 80-й зноў Чарнадараў разагнаў і разьвіў атаку аршанцаў, аддаў Тамэл...

ПЕРАД СУСТРЭЧАЙ «Паперпрам» набраў 47 пунктаў і займае 8-е месца ў табліцы, тое самае, на якім, згодна з задачай «кіраўніцтва места», павінны быць аршанцы. Але ў нашай каманды на пяць пунктаў меней і 11-я пазыцыя. Ускочыць на тры радкі лепей шанцы ёсьць толькі тэарэтычныя, нават калі перагуляем «Паперпрам» на ягоным полі. У складзе гомельскага клюбу ёсьць нямала гульцоў, якія раней супрацьстаялі аршанцам у складзе розных камандаў. Перад сэзонам у «Паперпрам» перайшоў «Стартавец году»-2023 Мікіта Закрэўскі, але надоўга ў Гомлі злучны не затрымаўся. ІМГНЕНЬНЕ ГІСТОРЫІ Паядынак першага кола завяршыўся перамогай аршанцаў 1:0, а вырашальны коч правёў Дзьмітры Тамэла. ЯК БЫЛО? Гэта будзе чацьверты матч дружынаў у гісторыі. «Паперпрам» толькі другі год удзельнічае ў І лізе. Падрахунак супрацьстаяньня «Старт» — «Паперпрам», 3 сустрэчы, +1=2-0, 5-4 2023 Старт — Паперпрам — 2:2 2023 Паперпрам — Старт — 2:2 2024 Старт — Паперпрам — 1:0 ШТО? ДЗЕ? КАЛІ? Двубой «Паперпрам» — «Старт» падбудзецца ў ня...

Першым трэнэрам аршанскага «Старту» (тады — «Працы») быў Іван Куксевіч. У савецкую пару ягоную пасаду называлі «грамадзкім трэнэрам». Менавіта Куксевіч рыхтаваў блакітна-чорных да пераходных гульняў зь «Лякаматывам», якія адкрылі станкабудаўнікам сьцяжынку да першынства рэспублікі. Давайце крыху падрабязьней пра нашага першага трэнэра. Іван Куксевіч у 1957 годзе Куксевіч Іван Ягоравіч нарадзіўся ў 1920 годзе ў вёсцы Селекта Аршанскага раёну. Прайшоў ІІ Усясьветную вайну, якая ў часы СССР на тэрыторыі краіны насіла назву «Вялікай Айчыннай». Пачаў вайну шарагоўцам, а скончыў гвардыі старшыной. Ён быў узнагароджаны за ўдзел у гераічным штурме і ўзяцьці Кёніґсбэрґу (Караляўца, рас. Калининград) мэдалём, двума мэдалямі за адвагу, мэдалём «За перамогу над Нямеччынай». Ён служыў у 144-м стралковым палку 340 стралковай дывізіі. А таксама ў 326 гвардзейскім цяжкім самаходна-артылерыйскім палку. Такія зьвесткі ёсьць на бачыне Памяць народу. Тамсама й дакумэнт з запісамі пра Куксевіча.   Пас...

Завяршыліся восеньскія гульні ў юнацкіх першынствах Беларусі. Там выступаюць і аршанцы. У І лізе (да 17) ў заключным матчы першага кола стартаўцы саступілі СДзЮШАР-Дынама зь Менску 0:6. У катэгорыі да 16 гадоў аршанцы гуляюць у Вышняй лізе. Але вынікі каманды пакуль надта сьціплыя. Напярэдадні блакітна-чорныя саступілі аднагодкам зь менскага «Дынама» на ўласным полі 0:4 і займаюць апошні радок табліцы, зазнаўшы паразы ва ўсіх 10 праведзеных сустрэчах. Таксама замыкаюць табліцу ў сваім першынстве і 15-годкі. У групе ІV лігі юнакоў аршанцы на выправе згулялі ўнічыю з «Чашнікамі» 2:2 і пакуль апошнія.

Гэтым разам ужо не было такіх праблемаў, якія паўсталі перад камандай у першым коле. Аршанцы справіліся з супернікам безь відавочных цяжкасьцяў. На 28-й хвіліне Іван Верас галавой з падачы Аляксея Чарнадарава адкрыў лік. У другой палове гол загнаў Антон Шэпелеў на 62-й хвіліне. Якраз так атрымалася, што да абодвух галоў маюць дачыненьне гульцы, якія вымушана прапускалі папярэднюю сустрэчу. Чарнадараў праз дыскваліфікацыю, Шэпелеў праз прастуду. А наступную гульню прапусьціць Сяргей Мельнік, які атрымаў другую жоўтую і, адпаведна, чырвоную на 90+4 хвіліне. Сьмешна, што на другую гульню аршанцаў запар (!!) ставяць арбітрам Сяргея Лабацэвіча, які паказвае староннасьць і, мякка кажучы, судзіць супраць "Старту". У нэрвовасьці нашых гульцоў няма нічога дзіўнага. Цырк! СТАРТ: Краўчанка, Іршаў, Чарнадараў (Вераб’ёў, 90), Жэстараў, Тамэла (Гаравец, 90), Воўчанка, Пунінскі, Жалезьнікаў (Смольнікаў, 83), Мельнік, Шэпелеў, Верас (Ціхаміраў, 64). Фотарэпартаж

ПЕРАД СУСТРЭЧАЙ Юнацкая зборная Беларусі набрала 24 пункты і займае 16-ю пазыцыю сярод 18 камандаў. Аршанцы маюць на рахунку 39 пунктаў і займаюць 11-е месца. Стартаўцы паўсюль! Брусэль, Бэльгія ІМГНЕНЬНЕ ГІСТОРЫІ 15 гадоў таму, 8 лістапада аршанцы завяршылі пераходны турнір, зарганізаваны фэдэрацыяй для ратацыі паміж ІІ лігай і абласнымі. Стартаўцы згулялі ўнічыю з «Цэмэнтнікам» з Касьцюковічаў 3:3. Галы за аршанцаў агадалі Віталь Данілкоў, Андрэй Скарацін і Юры Піваровіч з карнага. У тым турніры аршанцы занялі апошняе месца ў сваёй групе, але засталіся ў ІІ лізе праз адмову супернікаў падымацца на лігу вышэй. Пераможцам пераходніка якраз быў «Цэмэнтнік». ЯК БЫЛО? Каманды ўпершыню сустрэліся ў першым коле. Ад 49-й хвіліны юнацкая зборная краіны вяла ў ліку, але на 90-й і 90+3-й хвілінах Дзьмітрыю Тамэлу ўдалося зрабіць дубаль і прынесьці стартаўцам тры пункты. ШТО? ДЗЕ? КАЛІ? Сустрэча адбудзецца ў будны дзень — пятніцу, 8 лістапада. Ды яшчэ пачатак у працоўныя гадзіны — а 14:30.

У першынстве Беларусі ў валейболе ў І лізе (ранейшая Група Б) аршанская «Кацюша» перамагла СДзЮШАР-ВК «Менск-БНТУ 3:0 (25:13 25:22 25:14), а затым саступіла сталічнаму РДУАРу 1:3 (15:25 13:25 25:18 11:25).

У паядынку больш моцна выглядаў "Старт", меў перавагу, але ўвасобіць свае моманты ва ўзяцьце брамы не ўдалося ані разу. Слонімцы загналі абодва галы з даволі спрэчных карных боцаў, а перад гэтым на 52-й хвіліне судзьдзя Лабацэвіч выдаліў нібыта за гульню рукой па-за карнай зонай брамніка аршанцаў Ігнатовіча. Як выдаленьне, так і абодва 11-мэтровыя выклікаюць вялікія пытаньні. Гульню праз дыскваліфікацыю прапускалі Тамэла і Чарнадараў, Расолька вярнуўся пакуль толькі на лаўку запасных, а ў наступнай гульні мы застанемся без асноўнага брамніка. А яшчэ на пачатку сустрэчы зламаўся Арцём Антонаў. Праўдападобна, у наступнай гульні давядзецца абысьціся і без асноўнага злучнага. "Слонім" сьвяткуе нелягічную перамогу 2:0. Што ж, такое таксама здараецца ў ножным шпурляку. СТАРТ: Ігнатовіч, Іршаў, Жэстараў, Ціхаміраў, Антонаў (Смольнікаў, 22; Кітаёў, 82), Воўчанка, Пунінскі, Жалезьнікаў (к) (Вераб'ёў, 82), Гонжураў, Мельнік, Верас (Краўчанка, 53).