Старт (Ворша) — Асіповічы. Прадмова
ПЕРАД СУСТРЭЧАЙ
Абедзьве каманды там, дзе й былі год таму. У завыжыванцы. Ні пра што іншае ня думаюць, але аршанцы ўсё ж маюць запас у 6 пунктаў ад зоны вылету.
Чэрвеньская сустрэча ў першым коле скончылася для аршанцаў фіяска. Асіпаўчане на той момант набралі толькі 1 бодку за 11 гульняў, але Мальцам ня толькі далі бой, — перамаглі іх.
Асіпаўчане змагаюцца як могуць. У мінулым туры яны забралі дзьве бодкі ў „Хвалі“. Агулам зялёна-белыя пакідаюць уражаньне каманды, якая можа нечакана стрэліць патрэбны гол і набраць важную бодку. У верасьні ўраджай мог быць большым, каб асіпаўчане датрымаліся да канца. На сум сваіх заўзятараў, яны прапусьцілі ад „Мінску-ІІ“ на 90+4 хвіліне, а ў наступным туры за 5 хвілін да канца страцілі й перамогу над „Паперапрамам“. У выніку замест 6 бодак толькі 2.
Нельга назваць гэта гульнёй за 6 бодак, але сустрэча аршанцаў з асіпаўчанамі абяцае шмат цікавостак і магчымасьцяў абедзьвюм дружынам. Трэнэры тут дакладна ставяць задачу перамагаць.
БАЧЫНА ЛЕТАПІСУ
Роўна 5 гадоў таму ў гэты дзень, 17 кастрычніка, „Старт“ прагуляў у Гомлі „Лякаматыву“ 1:2.
Браму „чыгуначнікаў“ агадаў наш абаронца Глеб Гурбан. На 86-й хвіліне аршанцы атрымалі права на карны боц, але Мікалай Зянько ў другім туры запар не скарыстаўся магчымасьцю — брамнік „Лякаматыву“ Сілівончык даў рады з ударам.
ЯК БЫЛО?
Падрахунак процістаяньня „Старту“ з „Асіповічамі“: 38 сустрэчаў, +18=5–15, 57–62
1994/95 Старт — КРЗ — 3:0 (+: -)
1994/95 КРЗ — Старт — 0:2
1995 Старт — КРЗ — 1:0
1998 Сьвіслач-Дах — Старт — 5:1
1998 Старт — Сьвіслач-Дах — 1:1
2000 Старт — Сьвіслач-Дах — 1:0
2000 Сьвіслач-Дах — Старт — 0:3
2001 Старт — Сьвіслач-Дах — 2:0
2001 Сьвіслач-Дах — Старт — 4:2
2004 Старт — Асіповічы — 2:1
2004 Асіповічы — Старт — 1:0
2006 Старт — Асіповічы — 2:1
2006 Асіповічы — Старт — 1:2
2007 Старт — Асіповічы — 2:0
2007 Асіповічы — Старт — 1:2
2008 Асіповічы — Старт — 1:3
2008 Старт — Асіповічы — 2:5
2009 Старт — Асіповічы — 0:4
2009 Асіповічы — Старт — 2:1
2010 Асіповічы — Старт — 3:0
2010 Старт — Асіповічы — 0:1
2011 Старт — Асіповічы — 2:5
2011 Асіповічы — Старт — 4:3
2012 Асіповічы — Старт — 2:3
2012 Старт — Асіповічы — 0:2
2013 Старт — Асіповічы — 0:1
2013 Асіповічы — Старт — 0:1
2014 Асіповічы — Старт — 1:1
2014 Старт — Асіповічы — 1:0
2017 Асіповічы — Старт — 1:1
2017 Старт — Асіповічы — 2:4
2022 Асіповічы — Старт — 0:0
2022 Старт — Асіповічы — 3:2
2023 Асіповічы — Старт — 1:3
2023 Старт — Асіповічы — 3:0
2025 Асіповічы — Старт — 4:2
2025 Старт — Асіповічы — 2:2
2026 Асіповічы — Старт — 2:1
*асіпаўчане падпісаныя назвай, дзейнай на момант гульні.
ШТО? ДЗЕ? КАЛІ?
Сустрэча адбудзецца ў суботу, 17 кастрычніка. А 15:00 яна пачнецца на Мястовым стадыёне Воршы.
Commenti
Posta un commento