orshafans

ПЕРАД СУСТРЭЧАЙ Бабруйчане напярэдадні прайшлі ў ¼ Кубку Беларусі. Каманда на 5-м месцы, і цяпер можа больш пільна прыняцца за выкананьне задачы, якой, безумоўна, ёсьць вяртаньне ў Вышнюю лігу. У каманды 27 пунктаў. У «Старту» 25, і гульня ў Бабруйску вялікае выпрабаваньне для дружыны Кітаёва. На здольнасьць змагацца на розных з расьпісаным фаварытам. Перад гульнёй мы хваляваліся за Дзьмітрыя Тамэлу, які ўсё ж разарваў пагадненьне з «Нафтанам» і падпісаў паўнавартасны кантракт са «Стартам». Спадзяёмся на вяртаньне на поле Глеба Жалезьнікава. Верхавод нашых атак днямі ажаніўся, а 31 ліпеня сьвяткуе дзень нараджэньня. Раней Глеб выступаў у Бабруйску, так што гэта знаёмая яму каманда. Важнай гульні прысьвечана і афіша нашага мастака. ІМГНЕНЬНЕ ГІСТОРЫІ Гульня ў Бабруйску 45 гадоў таму, у 1979-м, скончылася нулявой нічыёй. Гэта было ў стыкавых гульнях за 13-е месца. А ў Воршы тады згулялі 1:1, таму бабруйчане згодна з правілам гасьцявога голу апынуліся вышэй. ЯК БЫЛО? Каманды Воршы і Бабру...

Алімпійскія гульні 2024 году ў Парыжы афіцыйна адкрыліся! Самым галоўным сюрпрызам стала тое, што цырымонію правялі на вуліцах Парыжу, а дождж нават дадаў прыгажосьці моманту. Гэта вам не стандартны на ўсіх Алімпіядах стадыён. Можа і зацягнутая цырымонія, затое дакладна незвычайная! Зідан, які перадае алімпійскую паходню хлапчукам у мэтро, каб тыя несьлі яе далей, як было паказана ў роліку, зь якога ўсё стартавала — і гэтыя добра знаёмыя, сто разоў пройдзеныя і аб’ежджаныя парыскія вуліцы. Смак! Шмат хто крытыкуе адкрыцьцё за тое, што каманды не праходзілі, а плылі на катарах са сваімі сьцягамі. Але зноў жа, як незвычайна! Шкада, не наканавана беларусам пакуль бачыць свой нацыянальны сьцяг сярод афіцыйных дэлегацый. А там шмат рознага: у альбанцаў сьцяганоша (хаця ў гэтых умовах, хутчэй, сьцягатрымальнік) — этнічны чачэнец, у Альжыру рытуальнае кіданьне ружаў у Сену ў памяць пра патопленых у рацэ землякоў у 1960-я, у Нігера — ганебнае салютаваньне «пад казырок», якое зьвязвае спартоўца...

Атрымліваем перамогу дзякуючы голу Дзьмітрыя Тамэлы на 45+1 хвіліне з карнага боцу. Гульня, асабліва ў другой палове, была сумнай. Зусім незразумела, чым на полі займаўся Дзьмітры Ціхаміраў. Нападнік не чапляўся за шпурляк, ня мог прыняць пас, не дапамагаў абароне нармальна, не рабіў нічога карыснага. Тамэла біўся як леў, нягледзячы на пашкоджаньні абедзьвюх ног. Баец! У нейкай ступені аршанцам пашчасьціла, бо "Паперпрам" нарошчваў атакі ў канцы паядынку. Але тры пункты ёсьць трыма пунктамі. Ура! На гульню дружына выйшла з чорнымі павязкамі ў памяць Аляксея Шубянка, перад стартавым сьвістком была хвіліна маўчаньня. На трэнэрскім мастку адсутнічаў Мікалай Кітаёў, дзеяньнямі каманды кіраваў Антуан Маёраў. Глеб Жалезьнікаў, які на тыдні ўзяў шлюб, зноў застаўся ў запасе. Ну а вымпэл, каб уручаць супернікам, так і не знайшлі... У безыменнай каманды з Гомлю, у якой амаль няма гісторыі, вымпэл для абмену з калектывам супернікаў ёсьць, а ў "Старту", гісторыя якога налічвае...

ПЕРАД СУСТРЭЧАЙ Напярэдадні сустрэчы ў «Старце» адбыліся скрушныя падзеі — памёр старшы трэнэр Аляксей Шубянок. Наша каманда выйдзе на поле з чорнымі павязкамі. Спадзяемся, фэдэрацыя зарганізуе хвіліну маўчаньня ў памяць знанага спартовага дзеяча краіны, які самаахвярна працаваў у клюбах Слоніму, Гомлю, Магілёву, Воршы і іншых. У «Паперпраме» сэзон пачынаў «Стартавец году-2023» Мікіта Закрэўскі, але зь нейкіх прычынаў у Гомлі ў яго не пайшло так добра, і ён пакінуў клюб яшчэ да сустрэчы з аршанцамі, за якіх пасьпяхова выступаў летась. У турнірным становішчы аршанцы маюць на 1 пункт больш і займаюць 8-ы радок, на адзін вышэй за «Паперпрам». ІМГНЕНЬНЕ ГІСТОРЫІ 10 гадоў таму наша каманда 27 ліпеня праводзіла гасьцявую сустрэчу ІІ лігі супраць менскага «Промня» і перамагла 1:0 дзякуючы трапнаму стрэлу Андрэя Ламакі. Гэта быў адзін з паваротным момантаў таго першынства, здаецца, менавіта тады аршанцы адчулі, што здольныя змагацца за вяртаньне ў І лігу па-сапраўднаму. Далейшыя падзеі гэта да...

На 63-м годзе памёр адзін з трэнэраў «Старту» Аляксей Шубянок. У лютым 2023 году вядомы слонімскі трэнэр далучыўся да нашай каманды і працаваў у ёй да канца. Спачуваньні родным і блізкім… Аляксей Шубянок нарадзіўся 15 верасьня 1961 году ў Менску. Ножным шпурляком пачаў займацца ў 7 гадоў ва ўкраінскім Харкаве, а затым трэнаваўся ў Варашылаўградзкім спартовым інтэрнаце (цяпер Луганск). У 1984 годзе скончыў Інстытут фізкультуры ў Душанбэ. Выступаў за таджыцкія, узбэцкія, украінскія каманды, у 1990 годзе вярнуўся ў родную Беларусь і далучыўся да «Абутніка» зь Ліды. У 1993-м пачаў трэнэрскую кар’еру ў дзіцяча-юнацкай школе Ліды. Затым працаваў памочнікам у трэнэрскім штабе «Абутніка», і потым — слонімскага КПФ. У 1995-м узначаліў слонімскі «Камунальнік», які ён у 1996-м і 1999-м выводзіў у Вышнюю лігу. У 2009-м годзе разам з іншай слонімскай камандай — «Белтрансгазам» — перамагаў у ІІ лізе. Акрамя таго, Шубянок працаваў са жлобінскім «Камунальнікам», магілёўскім «Тарпэда-Кадына», гомельскі...

Віктар Гараўцоў — выкладчык Аршанскага каледжу і ўладальнік унікальнага збору швейных машынаў. Ён чвэрць стагодзьдзя адпрацаваў на «Лягмашы» і ведае пра вытворчасьць усё. Цяпер пра яго напісалі артыкул, у якім аршанец распавядае пра сваю калекцыю і адметныя экспанаты. Спадар Гараўцоў марыць пра стварэньне музэю ў Воршы. У гэтым павінны быць востра зацікаўленыя й мы, заўзятары «Старту» і «Ўзьлёту», бо нашы клюбы нарадзіліся на «Лягмашы», носяць ягоны код. Швейная машынка — адзін з сымбаляў нашых футбольнай і валейбольнай камандаў. Пасля закрыцця старой вытворчасці «Лягмашу», калекцыянеру ўдалося дамовіцца з дырэкцыяй заводу і забраць на захавнне некалькі мадэляў. Некаторыя працуюць па сёння! Ужо працуючы выкладчыкам каледжу, Віктар Гараўцоў са студэнтамі нярэдка выязджаў у калгасы на сезонную практыку, а там заадно пытаўся ў мясцовых жыхарак пра швейныя машынкі. Так зборы папаўнялі каштоўныя экзэмпляры. Найстарэйшы выпушчаны ў 1896 годзе фірмай «Абачинъ и Орловъ. Biesolt & Locke». З...

Гульня сталася няпростай для каманды. Пасьля кубкавага вылету ледзь не саступілі юнакам. Ад 49-й хвіліны юнацкая зборная краіны вяла ў ліку, але на 90-й і 90+3-й хвілінах Дзьмітрыю Тамэлу ўдалося зрабіць дубаль і прынесьці стартаўцам тры пункты. Пляскаем у далоні, цудоўна! Вікторыя 2:1. А яшчэ й сьвяткаваньне атрымалася як паўтор ужо вядомага раней. Але ў Воршы, і здаецца ў Беларусі, такое ўпершыню. Тамэла сапраўды дадае характару камандзе, і збольшага на карысьць. Тамэла стаў героем паядынку, уратаваў яго, і пайшоў на замену. Глеб Жалезьнікаў зноў застаўся ў запасе. СТАРТ: Ігнатовіч, Чарнадараў, Расолька (к), Тамэла (Сабліраў, 90+4), Кучараў (Ціхаміраў, 62), Антонаў, Воўчанка, Пунінскі, Гонжураў, Мельнік, Сушкоў. Фотарэпартаж

ПЕРАД СУСТРЭЧАЙ Юнацкая зборная — адзіная ў І лізе дружына, якая ніводнага разу не гуляла ўнічыю. Застаецца тры туры да завяршэньня першага кола, і аршанцы маюць на 7 пунктаў больш за гэтага суперніка. Вядома, асабліва пасьля вылету з Кубку, ніхто не чакае ад каманды Мікалая Кітаёва нейкага іншага выніку, акрамя перамогі. ІМГНЕНЬНЕ ГІСТОРЫІ Нейкіх адметных датаў і лічбаў напярэдадні гэтай гульні няма. ЯК БЫЛО? Аршанцы ніколі не сустракаліся з АБФФ-17, адпаведна, гэтая сустрэча ў сталіцы стане першай. ШТО? ДЗЕ? КАЛІ? Паядынак пройдзе ў Менску на праспэкце Пераможцаў, 24. Пятніца, 19 ліпеня, пачатак, а 17-й гадзіне.

Раніца пасьля вылету з Кубку Беларусі… Настрой не найлепшы. Быццам і ня мусілі аршанцы перамагаць суперніка, які на лігу вышэй за нас і мае лепшыя склад, умовы і т.д. Але Кубак — месца для казкі, якой чакаеш. І казка не такая рэдкасьць, калі вы гледзяце, напрыклад, Кубак Ангельшчыны. Ды і ў нашай Беларусі здараецца — тры каманды І лігі прайшлі сваіх больш статусных супернікаў. Але сярод троіцы няма «Старту»… За час выступленьняў у Кубку БССР і Рэспублікі Беларусь аршанскі «Старт» мае такія лічбы: 51 сустрэча, 17 перамог, 7 нічыіх, 27 паразаў, розьніца галоў 88-130. Аршанцам у 8 паядынках з койданаўскім Арсэналам так і не ўдалося яго перагуляць. Мікалай Кітаёў як трэнэр у полі выйшаў з «Арсэналам» на замену і правёў свой 357-ы паядынак за клюб. Гэта роўна на 80 сустрэчаў больш за Ўладзімера Ларывонава, які займае 2-е месца ў сьпісе старажылаў усіх гадоў. Пасьля гістарычнага выхаду ў 1/8 фіналу ў Кубку-2017/18, што зьяўляецца найвышэйшым дасягненьнем у часы Незалежнасьці, стартаўцы 7 сэ...

Аршанцы згулялі нэрвова на самым пачатку паядынку, што прывяло да прапушчанага са свабоднага голу. Настроіцца і скінуць залішняе хваляваньне ўдалося толькі празь некалькі хвілінаў, а першы стрэл у браму атрымаўся на 18-й хвіліне. Шкада, але сур’ёзнай вастрыні каля брамы Каўрука амаль не паўставала, аршанцы некалькі разоў пагражалі ўладаньням суперніка, але практычна ўсю гульню становішча на траўніку кантраляваў «Арсэнал», ён жа ствараў і большасьць момантаў. Аршанцы не дацярпелі і прапусьцілі перад самай разьдзявальняй. Другая палова праходзіла таксама не паводле аршанскага сцэнару. На 68-й хвіліне за другую жоўтую выдаленьне схапіў Станіслаў Іршаў. Гуляючы ў меншасьці, блакітна-чорныя амаль цалкам перасталі ствараць хоць нейкую небясьпеку для апанэнта. Не атрымалася наперадзе ў Дзьмітрыя Ціхамірава, і Мікалай Кітаёў правёў зваротную замену, прычым выпусьціў на астатнія 13 хвілін матчу сябе самога! І, што цікава, вэтэран ажывіў гульню. 40-гадовы нападнік, трэнэр у полі, рабіў рыўкі, тр...

ПЕРАД ГУЛЬНЁЙ «Арсэнал» пару гадоў таму ледзь не расфармаваўся, а цяпер зноў гуляе ў Вышняй лізе. Прычым займае там высокае 8-е месца. Ці то тыповы лёс прыватных клюбаў Беларусі, ці то іншых кіраўнікоў, апрача капрызных, у беларускім ножным шпурляку няма. Але зараз бачым, што каманда суперніка разьвіваецца, падпісала ўзгоду з маскоўскім «Лякаматывам» з Расеі і ставіць перад сабой высокія задачы. Відавочна, у Воршу каманда з Койданава (якое пакуль носіць імя Дзяржынск) прыедзе ў статусе фаварыта. Стартаўцы паўсюль. Стадыён Вэлядром, Марсэль, Францыя ІМГНЕНЬНЕ ГІСТОРЫІ Дасюль мы сустракаліся з камандамі з Койданава толькі ў першынстве, таму дадзеная сустрэча стане першай кубкавай. 15 гадоў таму, у 2009-м, аршанцы саступілі «Лівадыі» з Койданава 0:4. «Арсэнал» фармальна іншы клюб, які ня мае да тае гісторыі дачыненьня. Непасрэдна з кананірамі ні ў адной з 7 сустрэч аршанцы не перамаглі. ЯК БЫЛО? Падрахунак супрацьстаяньня «Старту» з камандамі з Койданава: 27 сустрэчаў, +8=5-14, 43-40 1985...

Шанцаў слонімцам асабліва не пакінулі — у суперніка не атрымлівалася ў атацы нічога. У аршанцаў жа першы гол нарадзіўся на 33-й хвіліне. Малаткоў аддаў Жалезьнікаву, і той адкрыў лік. Пры другім голе, на 79-й хвіліне, стралец і дыспэтчар памяняліся месцамі. Жалезьнікаў стаў героем паядынку, яго прызналі найлепшым гульцом матчу, што заканамерна. Блакітна-чорныя кантралявалі хаду паядынку і адстаялі перамогу. 2:0! СТАРТ: Ігнатовіч, Воўчанка, Жалезьнікаў, Чарнадараў, Расолька (к), Антонаў, Малаткоў (Сабліраў, 89), Мельнік, Іршаў (Шалычаў, 82), Гонжураў, Сушкоў (Цюніс, 89).

СТАНОВІШЧА НАПЯРЭДАДНІ Слонімцы апошнімі гадамі выступаюць безь вялікіх вынікаў і звычайна туляюцца недзе ў хвасьце табліцы. Аршанцы звычайна вышэй, але ненашмат лепей. У гэтым сэзоне ўсё пакуль гэтаксама, у блакітна-чорных 16 пунктаў і 10-я пазыцыя ў табліцы, у жоўта-блакітных 10 пунктаў і 16-ы радок. Пры гэтым, аднак, летась стартаўцы прагулялі слонімцам абодва паядынкі ў першынстве. Мінулы сэзон «Слонім» правёў у незвычайнай форме. Каманду нефармальна празвалі «крыжамі», кашулі вельмі нагадвалі італійскую «Парму». ІМГНЕНЬНЕ ГІСТОРЫІ 50 гадоў таму (1974) у гэты дзень, 7 ліпеня, у рамках першынства БССР прайшло дэрбі Аршаншчыны. «Тэмп» на сваім полі ў Барані тады перагуляў «Старт» 2:0, а галы агадалі Вуглік з гульні і Шушкін з карнага. А 40 гадоў таму (1984) у першынстве БССР у гэты дзень… зноў адбылося дэрбі Аршаншчыны. Сустрэча на стадыёне Лёнакамбінату скончылася нічыйным вынікам 0:0. Як адзначыла ў зацемцы ґазэта «Ленінскі прызыў», «гульня была нецікавай і грубай»: ЯК БЫЛО? Па...

Глеб Жалезьнікаў дасягнуў новай адметнай лічбы — 122 паядынкі за клюб! Наш атакоўны паўабаронца дагнаў па колькасьці праведзеных сустрэчаў легенду «Старту» абаронцу Васіля Коскіна, цяпер яны разам на 23-м радку ў сьпісе старажылаў нашай каманды.