Кубак Беларусі. 1/16 фіналу. Старт (Ворша) — Арсэнал (Койданава) — 0:3

Аршанцы згулялі нэрвова на самым пачатку паядынку, што прывяло да прапушчанага са свабоднага голу. Настроіцца і скінуць залішняе хваляваньне ўдалося толькі празь некалькі хвілінаў, а першы стрэл у браму атрымаўся на 18-й хвіліне. Шкада, але сур’ёзнай вастрыні каля брамы Каўрука амаль не паўставала, аршанцы некалькі разоў пагражалі ўладаньням суперніка, але практычна ўсю гульню становішча на траўніку кантраляваў «Арсэнал», ён жа ствараў і большасьць момантаў. Аршанцы не дацярпелі і прапусьцілі перад самай разьдзявальняй. Другая палова праходзіла таксама не паводле аршанскага сцэнару. На 68-й хвіліне за другую жоўтую выдаленьне схапіў Станіслаў Іршаў. Гуляючы ў меншасьці, блакітна-чорныя амаль цалкам перасталі ствараць хоць нейкую небясьпеку для апанэнта.


Не атрымалася наперадзе ў Дзьмітрыя Ціхамірава, і Мікалай Кітаёў правёў зваротную замену, прычым выпусьціў на астатнія 13 хвілін матчу сябе самога! І, што цікава, вэтэран ажывіў гульню. 40-гадовы нападнік, трэнэр у полі, рабіў рыўкі, трымаў шпурляк, ішоў наперад. Але асьцярожнасьць апошніх хвілінаў непрыемна зьдзівіла — найчасьцей Кітаёў заставаўся наперадзе сам, безь ніякай падтрымкі, і партнэры падцягваліся наперад павольна, не даючы атацы надзей. У канцы сустрэчы тройчы запар «Старт» уратаваў Раман Краўчанка, якому ўдалося згуляць больш удала за Андрэя Ігнатовіча. Абаронцы брамніка не падтрымалі, наступствамі стаў трэці прапушчаны гол. Параза 0:3, і наша каманда ў чарговы раз выбывае з Кубку краіны на стадыі 1/16 фіналу. Без прыемных неспадзяванак.



Старт (Ворша, Д2) — Арсэнал (Койданава, Д1) — 0:3

14 ліпеня. Ворша, мескі стадыён. 250 гледачоў.

Судзьдзі: А. Абялеўскі, В. Побаль, І. Марашан (усе — Гародня).

Інспэктар: М. Лаўскі (Гомель).

СТАРТ: Ігнатовіч (Краўчанка, 46), Іршаў, Чарнадараў (Кучараў, 66), Расолька (к), Тамэла, Антонаў, Воўчанка, Гонжураў (Шалычаў, 77), Мельнік, Сушкоў (Цюніс, 77), Малаткоў (Ціхаміраў, 33; Кітаёў, 77).

АРСЭНАЛ: Каўрук, Аруцюньян, Мялкоўскі (Талкачоў, 76), Лавец, Арашкевіч (Луцік, 76), Бабіч, Пятрэнка (Герасімаў, 63), Скшынецкі (Казакоў, 86), Вягера, Пазьняк, Сакута.

Папярэджаньні: Мельнік (2), Іршаў (7), Цюніс (83).

Выдаленьне: Іршаў (68).

Галы: Вягера (3, са свабоднага), Пятрэнка (42), Казакоў (90).


Здымкі з гульні




Коментарі

Дописати коментар

Популярні дописи з цього блогу

«Моўны інспэктар» Ігар Случак: «Калі беларуская мова зьяўляецца ў нейкай галіне, у 8 з 10 выпадкаў яна адтуль ужо не зьнікае»

Зображення
21 лютага адзначаецца Дзень роднай мовы. Шэраг старонак у Сеціве ўспамінае пра беларускую мову толькі ў гэты дзень і абмяжоўваецца парачкай дзяжурных слоўцаў і цытатаў. У спорце папулярныя старонкі родную мову часта не ўспамінаюць наогул. Але беларускі спорт ня цалкам адарваны ад каранёў, і ў гэтым ёсьць велізарная заслуга праўніка, абаронцы правоў беларускамоўных грамадзян Ігара Случака. Orshafans у гэты важны дзень размаўляе з чалавекам, які вучыць беларусаў актыўна бараніць сваю мову і не зважаць на шкодную працу русыфікатараў. Яго называюць «моўным інспэктарам». Мабыць, таму, што ён атрымаў вышэйшую адукацыю ў Эстоніі, дзе працуе моўная камісія і сочыць за выкананьнем моўнага заканадаўства краіны. Званьне «моўнага інспэктара» не аспрэчваецца, аднак сам сябе наш суразмоўца называе хутчэй «адвакатам беларускай мовы». Мы ж запрасілі яго на інтэрвію, бо акрамя ўсяго, Ігар Случак, як і мы, — спартовы заўзятар. — Ігар, што ўдалося зрабіць у спорце ў справе беларусізацыі за мінулы 2024 го...
Докладніше

55 гадоў удзелу ў першынстве СССР!

Зображення
30 сьнежня 1969 году, роўна 55 гадоў таму аршанскі «Машынабудаўнік» (фактычна — «Старт») пачаў выступленьне ў першым і адзіным для сябе першынстве СССР у хакеі зь мячом (бэндзі). Супернікамі па 2-й групе клясы «А» былі: «Бярэзіна» (Бабруйск, БССР), «Партавік» (Рыга, ЛатССР. У некаторых крыніцах праходзіць як «Балтыка»), «Вална» (Ленінград, РСФСР), «Мэталюрг» (Баравічы, Наўгародзкая вобласьць, РСФСР), «Авангард» (Буды, Харкаўская вобласьць, УССР). Каманды гулялі ў чатыры колы, падвоеныя матчы на сваім полі. 1-е месца выводзіла ў фінальны турнір, пераможца якога адпраўляўся ў Найвышэйшую лігу Саюзу. Даведнік пра сэзон бэндзі 1969/70, складальнік У.Восіпаў Склад «Машынабудаўніка» (Ворша, БССР): брамнікі — А.Дробышаў, Я.Позін. абаронцы — А.Сусман, В.Шакуля, В.Вахрушаў, Э.Гайдзецкі. паўабаронцы — А.Шаўлінскі, М.Нікіфараў, Ф.Бычынскі, Я.Апішаў, Н.Альхоўка, В.Жаўно, В.Лабкоў, Д. Карнееў. нападнікі — Г.Галубовіч, А.Бокуц, І.Лагімахаў, А.Шалаеў, В.Каберскі. Хатнія сустрэчы наша каманда праводз...
Докладніше

Браты Алешчанкі

Зображення
Напярэдадні было 40 гадоў Юрыю Алешчанку. Вакол двух братоў нейкі час таму кружлялі непрыемныя чуткі, але мы не абазнаныя ў абставінах, таму калі нашы чытачы ведаюць пра сытуацыю лепей — просім ліставаць на orshafans@gmail.com . А пакуль узгадаем брата Юрыя — Віталя, які быў больш скандальным, упартым і таленавітым. Выхаванец віцебскай школы «Дзьвіна» пасьпяхова гуляў і ў малы ножны шпурляк, але стаў зоркай у вялікім. У адрозьненьне ад брата Юры, ён у Воршы завяршаў кар’еру, а не прыехаў да нас на яе пачатку. Здабыў Кубак Беларусі-98 зь віцебскім «Лякаматывам-96». Ледзь не паехаў у Ізраіль на сакавіты кантракт з «Макабі» (Хайфа) з заробкам у 15 тысяч даляраў на месяц. Але падвяла прага багемнага жыцьця — паход у клюб «Брыгантына» скончыўся сваркай і нажом у сьпіну. Ізраільскі варыянт сарваўся. Але аднаўленьне было хуткім — ужо на наступны год Алешчанка-старэйшы загнаў больш за дзясятак галоў за «Гомель». Цікава, што праз выпадак з Алешчанкам не паляцеў назад у Хайфу ягоны віцебскі сяб...
Докладніше