Статыстыка пасьля гульні з БАТЭ-ІІ

Вы скажаце, лік 7:2 рэдкі? Мабыць, так, але ў гісторыі нашага клюбу ён ужо сустракаўся не аднойчы.


У 1955 годзе з такім лікам у першынстве Воршы каманда «Буравесьнік»/ЗШМ (у будучыні «Старт») гэтак разграміла супернікаў са «Спартаку». Наступны раз такі лік сустрэўся ўжо ў 1959-м у першынстве рэспублікі, калі наша каманда перамагла маладачанскую «Фабрыку гармонікаў».


Упершыню прагулялі зь лікам 2:7 стартаўцы ў сэзоне 1992/93 у першынстве Воршы. Тады каманда «Лягмашу» ня склала канкурэнцыі «Тэкстыльніку». А ў 2007-м годзе ўжо пад назвай «Ворша» нашы гульцы былі разгромленыя 2:7 «Вэртыкальлю» з Калінкавічаў.


Калі гаварыць пра іншыя адметныя лічбы, дык напярэдадні яны таксама былі. Злучны Аляксей Чарнадараў загнаў 10-ы гол за каманду. Прыкра, што гэты малы юбілей прыпаў на такі няўдалы для нашай дружыны паядынак. Між іншым, сустрэча стала 1500-й для аршанцаў на рэспубліканскім узроўні. Сюды ўлучаныя гульні на першынство і кубак БССР і Беларусі.

Коментарі

Дописати коментар

Популярні дописи з цього блогу

55 гадоў удзелу ў першынстве СССР!

Зображення
30 сьнежня 1969 году, роўна 55 гадоў таму аршанскі «Машынабудаўнік» (фактычна — «Старт») пачаў выступленьне ў першым і адзіным для сябе першынстве СССР у хакеі зь мячом (бэндзі). Супернікамі па 2-й групе клясы «А» былі: «Бярэзіна» (Бабруйск, БССР), «Партавік» (Рыга, ЛатССР. У некаторых крыніцах праходзіць як «Балтыка»), «Вална» (Ленінград, РСФСР), «Мэталюрг» (Баравічы, Наўгародзкая вобласьць, РСФСР), «Авангард» (Буды, Харкаўская вобласьць, УССР). Каманды гулялі ў чатыры колы, падвоеныя матчы на сваім полі. 1-е месца выводзіла ў фінальны турнір, пераможца якога адпраўляўся ў Найвышэйшую лігу Саюзу. Даведнік пра сэзон бэндзі 1969/70, складальнік У.Восіпаў Склад «Машынабудаўніка» (Ворша, БССР): брамнікі — А.Дробышаў, Я.Позін. абаронцы — А.Сусман, В.Шакуля, В.Вахрушаў, Э.Гайдзецкі. паўабаронцы — А.Шаўлінскі, М.Нікіфараў, Ф.Бычынскі, Я.Апішаў, Н.Альхоўка, В.Жаўно, В.Лабкоў, Д. Карнееў. нападнікі — Г.Галубовіч, А.Бокуц, І.Лагімахаў, А.Шалаеў, В.Каберскі. Хатнія сустрэчы наша каманда праводз...
Докладніше

«Моўны інспэктар» Ігар Случак: «Калі беларуская мова зьяўляецца ў нейкай галіне, у 8 з 10 выпадкаў яна адтуль ужо не зьнікае»

Зображення
21 лютага адзначаецца Дзень роднай мовы. Шэраг старонак у Сеціве ўспамінае пра беларускую мову толькі ў гэты дзень і абмяжоўваецца парачкай дзяжурных слоўцаў і цытатаў. У спорце папулярныя старонкі родную мову часта не ўспамінаюць наогул. Але беларускі спорт ня цалкам адарваны ад каранёў, і ў гэтым ёсьць велізарная заслуга праўніка, абаронцы правоў беларускамоўных грамадзян Ігара Случака. Orshafans у гэты важны дзень размаўляе з чалавекам, які вучыць беларусаў актыўна бараніць сваю мову і не зважаць на шкодную працу русыфікатараў. Яго называюць «моўным інспэктарам». Мабыць, таму, што ён атрымаў вышэйшую адукацыю ў Эстоніі, дзе працуе моўная камісія і сочыць за выкананьнем моўнага заканадаўства краіны. Званьне «моўнага інспэктара» не аспрэчваецца, аднак сам сябе наш суразмоўца называе хутчэй «адвакатам беларускай мовы». Мы ж запрасілі яго на інтэрвію, бо акрамя ўсяго, Ігар Случак, як і мы, — спартовы заўзятар. — Ігар, што ўдалося зрабіць у спорце ў справе беларусізацыі за мінулы 2024 го...
Докладніше

Браты Алешчанкі

Зображення
Напярэдадні было 40 гадоў Юрыю Алешчанку. Вакол двух братоў нейкі час таму кружлялі непрыемныя чуткі, але мы не абазнаныя ў абставінах, таму калі нашы чытачы ведаюць пра сытуацыю лепей — просім ліставаць на orshafans@gmail.com . А пакуль узгадаем брата Юрыя — Віталя, які быў больш скандальным, упартым і таленавітым. Выхаванец віцебскай школы «Дзьвіна» пасьпяхова гуляў і ў малы ножны шпурляк, але стаў зоркай у вялікім. У адрозьненьне ад брата Юры, ён у Воршы завяршаў кар’еру, а не прыехаў да нас на яе пачатку. Здабыў Кубак Беларусі-98 зь віцебскім «Лякаматывам-96». Ледзь не паехаў у Ізраіль на сакавіты кантракт з «Макабі» (Хайфа) з заробкам у 15 тысяч даляраў на месяц. Але падвяла прага багемнага жыцьця — паход у клюб «Брыгантына» скончыўся сваркай і нажом у сьпіну. Ізраільскі варыянт сарваўся. Але аднаўленьне было хуткім — ужо на наступны год Алешчанка-старэйшы загнаў больш за дзясятак галоў за «Гомель». Цікава, што праз выпадак з Алешчанкам не паляцеў назад у Хайфу ягоны віцебскі сяб...
Докладніше