orshafans

СТАНОВІШЧА НАПЯРЭДАДНІ Аршанцы за апошнія туры выбраліся з хваста табліцы, дзе стаялі навылёт, на 12-е месца. Бабруйскі калектыў ідзе 2-м, адстаючы на тры пункты ад заклятых спадужнікаў з магілёўскага „Дняпра“. Важную ролю ў дружыне бабруйчанаў гуляе злучны Вадзім Бальбух, які раней выступаў у Воршы. Розьніца паміж клюбамі 6 пунктаў, а таму будзем спадзявацца, што Мальцам удасца скараціць адставаньне ад „Шыны“. ІМГНЕНЬНЕ ГІСТОРЫІ Амаль 40 гадоў таму, 9 чэрвеня 1985 году, „Старт“ на сваім полі згуляў з „Шыньнікам“ унічыю 1:1. Той паядынак адбыўся на стадыёне Лёнакамбінату, а гол у складзе аршанцаў правёў Генадзь Кітаёў. ЯК БЫЛО? Каманды Воршы і Бабруйску маюць амаль стагодзьдзе процістаяньня паміж сабою — 99 гадоў таму адбылася першая вядомая зь пісьмовых крыніцаў сустрэча. 22 жніўня 1926 году зборныя местаў сустрэліся ў фінале першага неафіцыйнага першынства Беларусі (БССР) ў Менску, бабруйчане загналі аршанцам два кочы без адказу і сталі пераможцамі. У далейшым Бабруйск у першынстве к...

17-19 чэрвеня і 12-14 ліпеня пройдуць гульні 1/16 фіналу Кубку Беларусі. Аршанцам у спадужнікі трапілі берасьцейскія дынамаўцы. Чакаем салідных гасьцей на сваім полі. Гэта 3-разовыя ўладальнікі трафэю. Кубак Беларусі забіралі ў Берасьце ў 2007, 2017 і 2018 гг. Цяпер дынамаўцы Берасьця без Марадоны, але каманда ідзе на 2-м месцы ў першынстве краіны. Такім чынам, нам выпаў адзін з найбольш небясьпечным спадужнікаў, якія толькі маглі трапіцца ў кубку. Верым, што каманда будзе змагацца!

Спадужнік выгуляў усе чатыры паядынкі на старце сваёй зоны ІІ лігі, а таму ніяк ня мог лічыцца лёгкім. Акрамя таго, перад вачыма ў нас мусяць стаяць Клецак і Івацэвічы, дзе ў нядаўнія яшчэ часы аршанцы ганебна выбывалі з розыгрышу. На жаль, стан беларускіх стадыёнаў і стаўленьне да іх цяпер такое, што нават гульню раньняй стадыі кубку нібыта нельга правесьці ў Бялынічах, па месцы прапіскі каманды. Гаварылі, што згуляем у Круглым, але ў выніку сустрэчу перанесьлі ў Магілёў. Там, вядома, зусім малая колькасьць гледачоў на трыбунах, ня той антураж сустрэчы. Мальцам удалося загнаць гол намаганьнямі Ціханава ў першай палове сустрэчы, у другой вызначыўся Верас. У абедзьвюх галявых камбінацыях чынны ўдзел узяў Дзьмітры Тамэла. Вельмі ўраджайным на моманты стаў канец першай паловы — калі б тады блакітна-чорныя загналі хаця б аднойчы, другая палова магла прайсьці зь меншымі нэрвамі. Але агулам варта сказаць, што „Старт“ перамог, згуляўшы згодна з уласным плянам.ю Ёсьць выхад у 1/16 фіналу. Цяпе...

СТАНОВІШЧА НАПЯРЭДАДНІ У 1/64 фіналу „Друць“ перамагла „Горкі“ 5:3 і прайшла ў гэты этап. Аршанцы толькі пачынаюць выступленьне ў розыгрышы. ІМГНЕНЬНЕ ГІСТОРЫІ У гэты дзень 25 гадоў таму, 28 траўня 2000 году аршанцы перамаглі асіповіцкую „Сьвіслач-Дах“ 1:0, адзіны гол з карнага загнаў Мікалай Міхалёнак. ЯК БЫЛО? Зь бялыніцкай дружынай „Старт“ не сустракаўся ніколі ў гісторыі. ШТО? ДЗЕ? КАЛІ? Стан шпурляковай базы ў краіне, выглядае, настолькі кепскі, што ня толькі ў Бялынічах, але і ў Круглым гульню на кубак ня могуць правесьці. У выніку каманды сустрэнуцца ў Магілёве на стадыёне „Спартак“. Паядынак пачнецца, а 18-й гадзіне ў сераду, 28 траўня.

Гульня ў моцны дождж, што ўскладняла рэакцыю гульцоў, як падаецца. Прапусьцілі два галы праз уласныя памылкі, але добра, што загналі два самыя. Сіно Абсамадаў на 6-й хвіліне агадаў браму ўпершыню ў клюбе, другі гол на 41-й з карнага боцу за Дзьмітрыем Тамэлам — галоўным адмыслоўцам Воршы па юнацкай зборнай. Нічыя 2:2, страта пунктаў, з аднаго боку, з другога не падстава расчароўвацца, бо сёлета юнакі ўражваюць добрымі вынікамі. СТАРТ: Макараў, Іршаў, Чарнадараў, Жэстараў, Тамэла, Воўчанка, Нікіпаронак (Пунінскі, 75), Бабчанок, Ціханаў (Верас, 90), Сафронаў (Каліноўскі, 80), Абсамадаў.

СТАНОВІШЧА НАПЯРЭДАДНІ Сёлета ж юнацкая зборная крыху старэйшая, так? Учорашнія падлеткі ператвараюцца ў юнакоў, каманда сёлета ўзяла добры крок і ўжо мае 14 пунктаў. У аршанцаў добры травень, цяпер ужо 10 набраных пунктаў. ІМГНЕНЬНЕ ГІСТОРЫІ 50 гадоў таму, 24 траўня 1975 году Старт згуляў унічыю з бабруйскім „Будаўніком“ 0:0. Арбітры сустрэчы паскардзіліся на арганізацыю матчу на цэнтральным стадыёне Воршы. У перапынку ім не прынесьлі вады, у судзьдзёўскую падалі толькі адну шклянку гарбаты бяз цукру на траіх. Такі запіс у пратаколе зрабіў галоўны судзьдзя сустрэчы Васіль Новікаў зь Менску. У гэты ж дзень 45 гадоў таму (1980) аршанцы на сваім полі прагулялі барысаўскаму БАТЭ 0:3. 10 гадоў таму (2015) аршанцы дома прагулялі менскім „Крумкачам“ 0:1. ЯК БЫЛО? 2024 АБФФ-17 — Старт — 1:2 2024 Старт — АБФФ-17 — 2:0 ШТО? ДЗЕ? КАЛІ? Сустрэча адбудзецца ў Менску на комплексе палёў у Вясьнянцы ў суботу, 24 траўня. Пачатак, а 14-й гадзіне.

Толькі два дні застаецца да прэзэнтацыі кнігі па гісторыі ножнага шпурляку на Аршаншчыне. На першай сустрэчы ў Варшаве вас чакае ня толькі выданьне „На ‚Старт’ і ў ‚Тэмпе’“ , — можна прыгледзець сабе ці ў падарунак іншыя кнігі , выдадзеныя лёнданскім выдавецтвам @skarynapress. Гэта і этнаграфічныя дасьледаваньні, і навуковыя творы, і зборнікі паэзіі, і пераклады. А таксама на прэзэнтацыі можна прымерыць і купіць нашу непаўторную саколку „Ножны шпурляк“! На сьпіне зьмешчаны невялічкі слоўнічак спартовае лексыкі. Ёсьць розныя памеры, таксама й жаночы пакрой! Дарэчы, калі нехта прапусьціў нашыя ранейшыя допісы, у кнізе ёсьць і разьдзел пра жаночыя каманды. На прэзэнтацыі, сярод іншага, будзем гаварыць пра важнасьць жаночага спорту.

Упэўненая гульня нашае каманды, калі нават не было пытаньняў пра пераможцу. Хаця й слонімцы праводзілі небясьпечныя набегі на аршанскую браму, нават білі ў бэльку, нашы гульцы ўсё ж паказвалі сябе добра ў шэрагу адзінаборстваў. І не было таго браку, які прасочваўся ў папярэдніх тураў. Дубальт Ціханава на 43-й і 60-й хвілінах, гол Каліноўскага на „падкрэсьліваньне“ перавагі на 80-й. Пераканаўчая вікторыя 3:0 і тры пункты ў скарбонку. СТАРТ: Макараў, Іршаў (Цімчанка, 83), Чарнадараў, Тамэла, Заец (Жэстараў, 46), Воўчанка, Бабчанок, Ціханаў (Адамчык, 74), Сафронаў (Каліноўскі, 74), Абсамадаў, Пунінскі (Нікіпаронак, 66). Фотасправаздача

За некалькі дзён да новай сустрэчы „Старту“ з „Слонімам“ апублікуем яшчэ адзін урывак з краязнаўчых публікацый выданьня „Слонімскі край“ пра гісторыю ножнага шпурляку ў Слоніме. Цытуем бязь зьменаў: У папярэдніх частках* мы распавялі пра кароткі ўзлёт слонімскай каманды WKS 79 pp Słonim (Вайсковы спартыўны клуб 79-га пяхотнага палка). Клуб быў заснаваны 24 чэрвеня 1921 года і адразу спецыялізаваўся на футболе. Таму гэтую дату можна лічыць за час заснавання слонімскага футбола (да імавернага выяўлення матэрыялаў пра ранейшыя падзеі). WKS у 1923 годзе паўдзельнічаў у першынстве Віленскай акругі ў „клясе Б“ і ледзь не прабіўся ў „клясу А“. Каманда ездзіла ў Вільню, Гродна, Беласток і пра яе ведалі, адметную гульню вайскоўцаў заўважылі. Таму заўзятары шкадавалі, калі ў наступныя гады слонімцы ўжо не заяўляліся на рэгіянальны чэмпіянат, гулялі пераважна ў сваім горадзе. У 1923–1926 гадах у Слоніме з’яўляліся і іншыя каманды: STS (Слонімскае спартыўнае таварыства), KS Balladyna (зборная дзя...

У 1/32 фіналу нацыянальнага кубку сустрэнемся з камандай „Друць” зь Бялынічаў. Ехаць недалёка, а гульня ўжо неўзабаве.  

СТАНОВІШЧА НАПЯРЭДАДНІ Сёлетні сэзон моцна адрозьніваецца ад папярэдніх для слонімцаў. Цяпер яны не ў канцы, а ў сярэдзіне табліцы і ўжо пасьпелі перамагчы тройчы. Аршанцы маюць 7 пунктаў, на 3 меней за спадужніка. У складзе «Слоніма» адзін гулец, які раней гуляў у Воршы — гэта расеец Віталій Шалычаў, які правёў у «Старце» 8 гульняў. Яшчэ цікава адзначыць, што летась нашы каманды былі з найтаньнейшым складам у І лізе. Агульны кошт гульцоў Воршы, паводле Transfermarkt, складаў 1,23 млн эўра, а ў «Слоніма» 0,95 млн эўра. Пры гэтым паказьніку ўсё адно ніхто не пакінуў дывізіёну. У дадатак, яшчэ цікавая акалічнасьць — «Слонім» набліжаецца да пазнакі ў 800 гульняў у І лізе, засталося правесьці яшчэ тры сустрэчы. Аршанцы ў мінулым туры дасягнулі лічбы ў 500 сустрэчаў. Як бачым, слонімцы значна часьцей гулялі ў дывізіёне, аршанцы ж шмат гадоў правялі ў ІІ лізе (на пачатку незалежных першынстваў называлася ІІІ лігай). Зрэшты, «Камунальнік» гуляў і ў Вышняй лізе, чаго блакітна-чорныя ніколі не ...

Добрай нядзелі, стартаўцы! Спадзяёмся, вы ў гуморы, а прычынай гэтаму ёсьць учорашняя перамога нашых Мальцаў над «Юні Ікс Лабс». Закругляем 7-ы тур цікавымі лічбамі. За сем паядынкаў сёлетняга першынства «Старт» здабыў дзьве перамогі, абедзьве ў Менску, у абодвух выпадках лік 1:0, і двойчы наш клюб агадваў пераможны гол на апошняй хвіліне асноўнага часу! Адно вынікае з другога: толькі адзін пункт наша каманда набрала ў хатніх сустрэчах, а шэсьць — у гасьцях. Папярэдні пераможны гол, загнаны на 90-й хвіліне, быў ня так даўно — у перадапошнім туры мінулага сэзону, калі Станіслаў Іршаў прынёс гасьцявую перамогу над гомельскім «Паперапрамам». З 11 галоў, загнаных нашай камандай у сямі турах, 9 праведзеныя ў другой палове сустрэчы, прычым 6 — у заключныя 20 хвілінаў! Урэшце, паядынак зь «Юні Ікс Лабс» стаў для аршанцаў 500-м у І лізе чэмпіянату незалежнай Беларусі. Гэта на 91 сустрэчу болей за агульную колькасьць гульняў клюбу ў ІІ лізе. За гэтыя паўтысячы сустрэчаў аршанцы маюць 142 перамо...

У сустрэчы валодалі мячом і пмелі перавагу гульцы "Юні Ікс Лабс", але найбольш вострыя моманты стваралі аршанцы. Калі Ціханаў і Тамэла свае шанцы ўпусьцілі, тады той жа Тамэла бліскучым стрэлам у "дзевяць" прынёс камандзе перамогу на 90-й хвіліне. Важныя тры пункты! СТАРТ: Макараў, Іршаў, Чарнадараў, Тамэла, Заец (Адамчык, 72), Воўчанка, Бабчанок, Ціханаў (Верас, 80), Сафронаў, Абсамадаў, Пунінскі (Нікіпаронак, 59). Фота

Ужо неўзабаве адбудуцца першыя прэзэнтацыі кнігі «На „Старт“ і ў „Тэмпе“». А сёньня ўспомнім малы турнір, які прыняла Ворша амаль 98 гадоў таму. Спачатку тэхнічныя вынікі тых міжмескіх сустрэчаў: 25 чэрвеня. зборная Воршы — «Дынама» (Менск) — 0:0 26 чэрвеня. «Залінейная» (Гомель) — «Дынама» — 0:6 27 чэрвеня. зборная Воршы — «Залінейная» — 3:2 Ґазэта «Зьвязда» ў № 147 за той 1927 год надрукавала справаздачы з паядынкаў, адкуль бачым, што ўжо тады ножнашпурлячныя паядынкі зьбіралі каля тысячы гледачоў! На жаль, карэспандэнт сталічнага выданьня Оль амаль нічога не напісаў пра паядынак аршанцаў з дынамаўцамі. Затое з тэксту пра перамогу над гамельчукамі даведваемся тры прозьвішчы гульцоў, якія, на думку рэпартэра, былі найлепшымі ў зборнай Воршы: абаронцы Самсонаў і Падгурскі і цэнтральны нападнік Торкін. Калі Самсонаў і Падгурскі складалі аршанскую лінію абароны годам у час неафіцыйнага першынства БССР 1926 году, дык Торкін у тым турніры годам раней не гуляў.

НАПЯРЭДАДНІ СУСТРЭЧЫ Пакуль складана, ды і заўчасна казаць, наколькі сур’ёзныя намеры і разьлікі ІТ-фірмы, што валодае клюбам спадужнікаў. Але прынамсі на сёньня менчукі маюць 7 пунктаў супраць 4 нашых. «Юні Ікс Лабс» заснавалі яшчэ ў 2010-м годзе студэнты БНТУ, але доўгі час гэта была аматарская каманда, пакуль не нарадзіліся амбіцыі чагосьці большага. І вось цяпер «Юні Ікс Лабс» праводзіць першы сэзон у Д2. Раней яны здымалі свой відэапраект, былі сярод мэдалістаў АЛФ-лігі. Пра тое, што несур’ёзна ставіцца да сталічнага калектыву не выпадае, сьведчыць хаця б той факт, што калі ЮІЛ гуляў у АЛФ, у ягоным складзе былі гульцы, якія паралельна выступалі за клюбы з рэспубліканскіх дывізіёнаў. «Юні Ікс Лабс» актыўна вядзе ютуб-канал і іншыя сеткі. Узначальвае клюб вядомы ў мінулым цэнтральны абаронца менскага «Дынама» Сяргей Паўлюковіч. За каманду гуляе нападнік Павал Кляньнё, які крыху пагуляў летась за «Старт». А на відэа прэзэнтацыя строяў каманды пад І лігу. ІМГНЕНЬНЕ ГІСТОРЫІ Роўна 10 ...

Магчыма, вы нават не чакалі такой статыстыкі, а ў нас яна ёсьць! У залежнасьці ад тэндэнцый, што пануюць у судзьдзёўскім корпусе, аўтагалы ў розныя пэрыяды лічыліся па-рознаму. Былі часы, калі нават пры моцным рыкашэце выніковыя стрэлы спрабавалі запісваць на гульцоў атакоўнай каманды. Аднак так ці іначай, на выходных у паядынку з гомельскім «Лякаматывам» гулец гэтай каманды Павал Шаўчэнка загнаў коч ва ўласную браму. І гэта 23-і аўтагол спадужнікаў «Старту» ў гісторыі чэмпіянатаў. У савецкі час іх амаль не лічылі, а цяпер пры істотных зьменах траекторыі судзьдзям раяць упісваць менавіта аўтагол. Цікава, што ў сустрэчах з гэтым спадужнікам аўтагол ужо ня першы. У 2010-м годзе, калі гомельская каманда яшчэ называлася «Гомельчыгункатрансам», іхны гулец Дзьмітры Гасілоўскі адправіў шпурляк у сваю браму. Праўда, тады гамельчукі ўсё адно перамаглі 3:2. Цяпер жа іхны аўтагол дапамог аршанцам здабыць нічыю. Але рэкорд у колькасьці самастрэлаў пры сустрэчах з «Стартам» належыць не «Лякаматыву»...

Чарговы, шосты тур прынёс нечаканы вынік, і гэтым разам із знакам плюс. Наша дружына нечакана моцна згуляла з гомельскім "Лякаматывам" і здабыла нічыю 3:3. Упершыню за клюб (у 81-м паядынку) адзначыўся абаронца Мікіта Воўчанка, затым быў аўтагол гамельчукоў, ну а трэці коч на рахунку псыхалягічнага верхавода нашай каманды Дзьмітрыя Тамэлы. Нічыя 3:3. СТАРТ: Макараў, Іршаў, Чарнадараў, Тамэла, Заец, Воўчанка, Бабчанок, Ціханаў (Верас, 80), Сафронаў, Абсамадаў, Пунінскі (Нікіпаронак, 75). Фотарэпартаж