20 гадоў таму. Жаночы „Тэкстыльнік“ у паўфінале Кубку Беларусі!

Роўна 20 гадоў таму, 11 чэрвеня 2005 году аршанскі „Тэкстыльнік“ выйшаў у паўфінал жаночага Кубку Беларусі, перагуляўшы „Бабруйчанку“. У першай сустрэчы аршанкі прывезьлі з Бабруйску нічыю. У аршанак гол загнала Лушчынская. У сустрэчы ў адказ „Тэкстыльнік“ перагуляў спадужніцаў 2:0, галы на рахунку Сторажавай і зноў Лушчынскай. Цікава, што ў першай сустрэчы Сторажава выйшла на замену… як брамніца, хоць намінальна была нападніцай. Другую сустрэчу яна правяла ў больш звыклай ролі.


Афіша той самай сустрэчы


У паўфінале аршанкі прагулялі берасьцейскай „Пэрліне“ 1:2 і да вырашальнай сустрэчы не дабраліся. Аднак усё адно запісалі на свой рахунак найвышэйшае дасягненьне жаночага ножнага шпурляку на Аршаншчыне.


Дзіва што — пасьля такога дасягненьня каманду варта было падтрымаць, адылі ў Воршы ва ўладзе былі некампэтэнтныя і варожыя да жаночага спорту асобы. Пасьпяховы розыгрыш стаў у гісторыі клюбу апошнім, на наступны год каманду не заявілі. Але той паўфінал дазваляе нам казаць: у жаночага ножнага шпурляку Аршаншчыны ёсьць традыцыі!

Коментарі

Дописати коментар

Популярні дописи з цього блогу

«Моўны інспэктар» Ігар Случак: «Калі беларуская мова зьяўляецца ў нейкай галіне, у 8 з 10 выпадкаў яна адтуль ужо не зьнікае»

Зображення
21 лютага адзначаецца Дзень роднай мовы. Шэраг старонак у Сеціве ўспамінае пра беларускую мову толькі ў гэты дзень і абмяжоўваецца парачкай дзяжурных слоўцаў і цытатаў. У спорце папулярныя старонкі родную мову часта не ўспамінаюць наогул. Але беларускі спорт ня цалкам адарваны ад каранёў, і ў гэтым ёсьць велізарная заслуга праўніка, абаронцы правоў беларускамоўных грамадзян Ігара Случака. Orshafans у гэты важны дзень размаўляе з чалавекам, які вучыць беларусаў актыўна бараніць сваю мову і не зважаць на шкодную працу русыфікатараў. Яго называюць «моўным інспэктарам». Мабыць, таму, што ён атрымаў вышэйшую адукацыю ў Эстоніі, дзе працуе моўная камісія і сочыць за выкананьнем моўнага заканадаўства краіны. Званьне «моўнага інспэктара» не аспрэчваецца, аднак сам сябе наш суразмоўца называе хутчэй «адвакатам беларускай мовы». Мы ж запрасілі яго на інтэрвію, бо акрамя ўсяго, Ігар Случак, як і мы, — спартовы заўзятар. — Ігар, што ўдалося зрабіць у спорце ў справе беларусізацыі за мінулы 2024 го...
Докладніше

55 гадоў удзелу ў першынстве СССР!

Зображення
30 сьнежня 1969 году, роўна 55 гадоў таму аршанскі «Машынабудаўнік» (фактычна — «Старт») пачаў выступленьне ў першым і адзіным для сябе першынстве СССР у хакеі зь мячом (бэндзі). Супернікамі па 2-й групе клясы «А» былі: «Бярэзіна» (Бабруйск, БССР), «Партавік» (Рыга, ЛатССР. У некаторых крыніцах праходзіць як «Балтыка»), «Вална» (Ленінград, РСФСР), «Мэталюрг» (Баравічы, Наўгародзкая вобласьць, РСФСР), «Авангард» (Буды, Харкаўская вобласьць, УССР). Каманды гулялі ў чатыры колы, падвоеныя матчы на сваім полі. 1-е месца выводзіла ў фінальны турнір, пераможца якога адпраўляўся ў Найвышэйшую лігу Саюзу. Даведнік пра сэзон бэндзі 1969/70, складальнік У.Восіпаў Склад «Машынабудаўніка» (Ворша, БССР): брамнікі — А.Дробышаў, Я.Позін. абаронцы — А.Сусман, В.Шакуля, В.Вахрушаў, Э.Гайдзецкі. паўабаронцы — А.Шаўлінскі, М.Нікіфараў, Ф.Бычынскі, Я.Апішаў, Н.Альхоўка, В.Жаўно, В.Лабкоў, Д. Карнееў. нападнікі — Г.Галубовіч, А.Бокуц, І.Лагімахаў, А.Шалаеў, В.Каберскі. Хатнія сустрэчы наша каманда праводз...
Докладніше

Заяўка «Старту» на першынство-2025

Зображення
Брамнікі — Арцём Валадзькоў (2001), Максім Макараў (2001); абаронцы — Тайсір Адамчык (2002), Мікіта Воўчанка (2002), Станіслаў Іршаў (Расея; 1998), Уладзіслаў Пунінскі (2002); злучныя — Арцём Антонаў (2000), Мікіта Бабчанок (1999), Станіслаў Булахаў (2007), Арцём Гонжураў (2003), Максім Жэстараў (Расея; 2002), Сямён Заец (Расея; 2003), Мацьвей Каліноўскі (2005), Захар Каранкоў (2008), Ягор Нікіпаронак (2002), Павал Расолька (1993), Ільля Селязьнёў (2007), Дзьмітры Тамэла (1992), Максім Цімчанка (Расея; 2001), Аляксей Чарнадараў (2001); нападнікі — Рауль Адыгезалзадэ (Расея; 2005), Іван Верас (1997), Аляксандар Міхасёнак (2004), Мікіта Сафронаў (2007), Іван Ціханаў (2003), Аляксандар Шалін (1996). Галоўны трэнэр — Мікалай Кітаёў (1984). Трэнэр — Андрэй Лаганцоў (1970).
Докладніше