Тур 16. Старт (Ворша) — Дняпро (Магілёў). Прадмова

ПЕРАД СУСТРЭЧАЙ

Дняпроўцы разам з доўбізьнянскай „Ніваю“ маюць па 31 пункту і ачольваюць табліцу. Аршанцы з сваім даробкам у 17 пунктаў стаяць наводдаль, на сьціплым 12-м месцы. Інтрыга ў тым, што за паўмесяца перапынку зрабілі з сваёй падрыхтаванасьцю абодва клюбы.

ІМГНЕНЬНЕ ГІСТОРЫІ

18 чэрвеня 25 гадоў таму (2000) аршанцы сьвяткавалі вікторыю ў Козенках, дзе перагулялі мясцовае „Палесьсе“ 4:2. Хэт-трык у тым паядынку аформіў Уладзімер Правалінскі, дзякуючы чаму дабраўся да пазнакі ў 45 галоў у Д2, яшчэ адзін гол загнаў Міхаіл Рыжала.

ЯК БЫЛО?

Не прайшло шмат часу, як „Дняпро“ зноў зваліўся да нас у І лігу. Успомнім ранейшыя сустрэчы з гэтым клюбам. Падрахунак супрацьстаяньня „Старт“ (Ворша) — „Дняпро“ (Магілёў): 9 сустрэчаў, +1 =1 −7, 9-23

2015 Старт — Дняпро — 0:2

2015 Дняпро — Старт — 2:1

2016 Старт — Дняпро — 0:2

2016 Дняпро — Старт — 4:0

2021 Старт — Дняпро — 3:1

2021 Дняпро — Старт — 6:2

2021 Старт — Дняпро — 1:2

2023 Дняпро — Старт — 3:1

2023 Старт — Дняпро — 1:1

ШТО? ДЗЕ? КАЛІ?

Сустрэча адбудзецца ў пятніцу ў Воршы. 18 ліпеня, пачатак а 18:30.