„Старт“ (Ворша). Склад каманды на сэзон 2026 і строі

Стаў вядомы склад аршанцаў на новы сэзон і нумары гульцоў. Таксама прэс-служба каманды зладзіла на помніку першай згадкі Воршы фотасэсію строяў дружыны. Вельмі прыемна бачыць такія колеры, якія зьвязваюць нас з гісторыяй. Нават замежныя чытачы, якім трапіла ў рукі кніга пра гісторыю ножнага шпурляку на Аршаншчыне, якая выйшла летась, адзначылі вельмі прыемны факт, што наш клюб вярнуўся да гістарычных блакітна-чорных колераў. Гэта сьведчыць, што кіраўніцтва каманды высока ацэньвае традыцыі нашага клюбу і на яго 75-годзьдзе жадае працягваць гісторыю зь неразрыўнымі атрыбутамі „Старту“.

Склад каманды вельмі моцна памяняўся. Асабліва заўважныя страты ў параўнаньні з тым, у якім складзе блакітна-чорныя пачыналі папярэдні сэзон, гэта Ўладзіслаў Пунінскі, Станіслаў Іршаў, Дзьмітры Тамэла, Павал Расолька, Тайсір Адамчык, Аляксей Чарнадараў і Іван Ціханаў.

Адзначым вяртаньне ў Воршу Арцёма Валадзькова, Глеба Жалезьнікава і Андрэя Раманава. Вярнуўся і нападнік Дзьмітры Ціхаміраў, які выступаў за „Старт“ раней.

СКЛАД КАМАНДЫ:

Брамнікі:

1 Арцём Валадзькоў

52 Раман Краўчанка

Абаронцы:

14 Арцём Дамброўскі

82 Віталь Шалычаў

18 Мікіта Воўчанка

5 Мікіта Тарбякоў

69 Станіслаў Булахаў

88 Дзяніс Рудзянок

11 Даніла Стаін

Сярэдняя лінія:

22 Андрэй Раманаў

13 Уладзіслаў Мітрафанаў

77 Глеб Жалезьнікаў

7 Мікіта Бабчанок

10 Іван Агееў

8 Іван Беразун

93 Павал Бардукоў

80 Ян Камароў

17 Яраслаў Кулеш

Нападнікі: 

9 Дзьмітры Ціхаміраў

19 Мікіта Вехцеў

16 Максім Пашкевіч

Галоўны трэнэр: Суздальцаў Дзьмітры Сяргеевіч

Трэнэр: Дзятлаў Васіль Пятровіч

Трэнэр-масажыст: Шубін Яўген Ігаравіч