orshafans

Упершыню адразу двое колішніх гульцоў „Старту“ выступаюць за зборную краіны, прычым у яе асноўным складзе. Гэтак ужо было пры Карлясе Алясе, пры Віктару Ганчарэнку працягваецца. Зборная Беларусі перад сустрэчай з камандай Фінляндыі (1:0) 6 кастрычніка 2026 году. Захар Волкаў першы зьлева ў верхнім шэрагу, Кірыла Пячэнін другі зьлева ў ніжнім Больш за тое — Кірыла Пячэнін стаў першым экс-стартаўцам, які правёў 50 гульняў за нацыянальную каманду. Гэтай лічбы ён дасягнуў у сустрэчы з Сан-Марына, у якой упершыню ў кар’еры ў зборнай зрабіў адразу тры выніковыя перадачы. У складзе „Старту“ злучны выступаў у 2017 годзе і правёў тады 13 паядынкаў.                                                                                                    ...

Важная бодка для аршанцаў і буйная дзівота ў туры. Мы з 15-а месца гуляем у нулі зь 1-м! І цалкам заслужана. Каб трошку больш фартуны, маглі б нават перамагчы. Дружына згуляла вельмі ладна, паказала вытрываласьць і выйшла менавіта рабіць вынік, а не бязвольна назіраць, што робіць праціўнік. Без даўно траўмаванага Максіма Пашкевіча ў атацы ў нас мала што атрымліваецца, але гэтым разам былі моманты, абаронцы „Нівы“ зь Ціхаміравым не адпачывалі. Апошнія 15 хвілінаў наша дружына правяла ў глухой абароне, толькі зрэдку выходзячы з сваёй карнай. Але вялікіх момантаў ніўцы не стварылі. У аршанцаў галоўным момантам стаў моцны стрэл Кудзінава зь лініі карнай пляцоўкі, шкада, што ён пацэліў у папярочку. СТАРТ: Валадзькоў, Быкаў, Тарбякоў, Бабчанок, Беразун (Страбцоў, 75), Ціхаміраў, Александровіч, Стаін, Кудзінаў (Жалезьнікаў, 62), Шалычаў, Бардукоў. ЛІЧБЫ Упершыню ў гісторыі процістаяньня калектываў на ўлікоўніку нулявая нічыя. Больш за тое — упершыню абедзьве каманды ня здолелі загнаць ані гол...

ПЕРАД СУСТРЭЧАЙ Выбіраем Джэфры Лябоўскага на афішу, бо гэтая пэўная расслабленасьць Чувака можа дапамагчы камандзе ня браць да галавы цяперашнія сэрыі і асабліва кепскую гульню дома. „Ніва“ змагаецца за першы ў гісторыі маладога клюбу выхад у Вышнюю лігу. „Старт“ змагаецца за тое, каб ня вылецець. Захаваць у такой гульні браму „чыстай“ выглядае нерэальнай задачай. Маларэальным выглядае й шанец набраць у гульні прынамсі адну бодку. Цешыць тое, што ў гэтай гульні ў аршанцаў мае быць меней цяжкасьцяў са складам. Адылі гэта малое суцяшэньне — выбар у Дзьмітрыя Суздальцава ня цешыць шырынёю. А маем толькі 5 бодак перавагі над зонай вылету. Прывід ІІ лігі застаецца па-над намі. БАЧЫНА ЛЕТАПІСУ 5 гадоў таму 3 кастрычніка 2021 году стартаўцы прагулялі на ўмоўна гасьцявым полі ў Гарадзеі койданаўскаму „Арсэналу“ 2:3. Галы ў аршанцаў загналі Глеб Жалезьнікаў і Мікалай Зянько. Нашай дружыне моцна перашкодзіла выдаленьне Ґаджымурата Абдулаева ў другой палове. ЯК БЫЛО? Мальцы дасюль не перамагалі ...

Ня дала рады каманда з эмоцыямі, дый ровень нашага складу ніжэйшы за армейцаў. Толькі крыўдна прагульваць з буйным лікам. Адзіны гол у браму гаспадароў загнаў Дзьмітры Ціхаміраў на 85-й хвіліне. Усю гульню няспынна армейцы атакавалі, валодалі перавагай і не адпускалі ад сябе задачу перамагчы. Наша дружына саступіла цэнтар поля, няўдала дзейнічаў Бардукоў, а абаронцы ў шэрагу момантаў прагульвалі ў сьвежасьці, спрыце шпурлярам гаспадароў. І гэта яшчэ Арцём Валадзькоў некалькі разоў ратаваў дружыну ў амаль безнадзейных становішчах! Такую каманду як СКА можна было б стрымаць добрай фізычнай вытрымкай, але дзе ж яе ўзяць, гуляючы амаль адным тым самым складам?! Хоць гэтая гульня якраз паказала зьмены ў складзе. Не было Стаіна (перабор жоўтых), Жалезьнікава, а Быкаў прапускаў гульню праз чырвоную картку ў мінулым туры. Не ад самаўпэўненасьці такі склад. Здымкі ад Старту Здымкі ад СКА СТАРТ: Валадзькоў (Краўчанка, 82), Тарбякоў, Бабчанок, Беразун, Ціхаміраў, Александровіч, Воўчанка (Страбцоў...

ПЕРАД СУСТРЭЧАЙ За дзевяць тураў да канца першынства менскія „армейцы“ яшчэ змагаюцца за выхад у Вышнюю лігу. У папярэднім туры СКА-1938 быў гарой у сустрэчы ў Пінску супраць „Хвалі“ — 3:1. Аршанцы прагулялі супару менчукоў у заводках за падвышэньне — „Слуцку“ — 0:3. У сустрэчы першага кола аршанцы „праселі“ за 15 хвілін да канца, і ў выніку атрымалі два галы ад Мірона Карыцькі. Ягоны першы трапны стрэл стаў для СКА 50-м у гульнях з аршанцамі. Цяпер ён з 17 галамі разам з Ільлём Сенем з „Салігорску“ ўзначальвае выперадкі стральцоў. Тая параза 0:2 была сьведчаньнем розьніцы ў клясе камандаў. Гэта пацьвердзілі далейшыя падзеі першынства. Цяпер стартаўцам трэба правесьці вельмі моцны паядынак, каб забраць пункты ў каманды, якая разьлічвае на выхад на наймацнейшы ровень. СКА адстае ад 1-а месца, дзе стаіць доўбізьнянская „Ніва“, на 4 пункты, таму яму пагатоў патрэбная перамога. У аршанцаў праз адлучэньне будзе адсутнічаць асноўны цэнтральны абаронца Мікіта Быкаў, якога выдалілі ў папярэдн...

У другой палове случакі паказалі, што яны каманда вышэйшае за нашу клясы. Пераканаўчая перамога і выхад на першае месца. Усе тры галы прыйшлі фактычна з адной пазыцыі. Застаемся ў твані. Роўная першая палова, а ў другой тры галы за тузін хвілін. Такі паказьнік клясы каманды, якая гасьцявала ў Воршы. І розьніца Быкава зь Фядосавым, былы гулец «Старту» не вымыкаецца з эпізоду, а гуляе да канца, як у моманце зь першым галом. На 78-й Быкаў парушыў правілы, і судзьдзя даў яму чырвоную картку. Хаця гэта не было парушэньнем бяспомачнасьці, але арбітры ў І лізе такія, што… Але нават калі б судьдзя Лянкоўскі пакінуў нас у поўным складзе, нічога бы не зьмянілася — стартаўцы ўжо прагульвалі 0:3 і ня мелі ніякіх пэрспэктыў сьпераду. «Слуцак» зарабіў тры бодкі ў тых абставінах, у якіх хацеў, не прыкладаючы звышнатуральных намаганьняў і не перажываючы. Наша дружына ўпарцілася, але недахват роўню адбіўся на ўлікоўніку. Тут ня варта пасыпаць галаву попелам, мы на большае не разьлічвалі. Каб забіраць б...

19 верасьня 45 гадоў таму (1981) „Старт“ на сваім полі ў матчы першынства БССР саступіў менскаму „Буравесьніку“ 2:3. Такой каманды ў сталіцы даўно няма, і гэта нагода паглядзець, як аршанцы гулялі з гэтым супарам. Але пачнем зь летапісу. З гэтай дружынай аршанцы шмат сустракаліся ў першынстве БССР. Ды й сам „Старт“ кароткі час у сярэдзіне 1950-х насіў назву „Буравесьнік“ (з 1955 па 1956). Прычым такая каманда была як на заводзе „Чырвоны барацьбіт“, так і на новым прадпрыемстве — заводзе ацяпляльных катлоў (у будучыні — „Лягмашы“). Супольная спартовая арганізацыя станкабудаўнікоў і актыўны пераход гульцоў дазваляе нам весьці пераемнасьць з 1951 году, калі свая дружына зьявілася на заводзе „Чырвоны барацьбіт“. Але тут варта разумець, што спартовае таварыства зазнала некалькіх пераўтварэньняў, цалкам зьмяніўшы склад. Ад утварэньня ў 1936-м і да 1957 году „Буравесьнік“ быў добраахвотным таварыствам работнікаў дзяржаўнага гандлю. А ў 1955-м, якраз тады, калі так пераназвалі наш клюб у Воршы...